सातारा : पुढारी ऑनलाईन जागतिक वारसास्थळ म्हणून प्रसिद्ध असलेल्या कास पठारावर विविध रानफुलांचा रंगोत्सवाला सुरूवात झाली आहे. विविध फुलांच्या रंगेबिरंगी कळ्या उमलल्या असून, पुढील 10 दिवसांत पठार विविध फुलांनी बहरणार आहे. यंदा कासचा हंगाम दि.1सप्टेंबर रोजी सुरू होणार आहे. दरम्‍यान पर्यटक आतापासूनच पठारावर हजेरी लावत आहेत. शनिवारी आणि रविवारी या दोन सुट्टींच्या दिवशी मोठ्या प्रमाणात पर्यटक पठारावर हजेरी लावत आहेत.
कास पठारावर विविध रंगी, आकर्षक फुले उमलल्‍यानंतर या ठिकाणच्या निसर्गाचे रूपडेच बदलून जाते. या फुलांवर पसरलेली धुक्‍याची दुलई त्‍यावर बागडणारी इवलीशी फुलपाखरे ही मन मोहवून टाकतात. या फुलांचा मनमोहक नजारा डोळ्यात साठवून ठेवण्यासाठी पर्यटक कास पठारावर हजेरी लावत असतात. इथल्‍या निसर्गसौदर्याची ख्याती आता सर्वदूर पोहोचली असून, पर्यटक, निसर्गप्रेमी या फुलांच्या बहरण्याचा एक प्रकारे वाटच पाहत असतात. ऑगस्ट ते सप्टेंबर महिण्याच्या दरम्‍यान पठारावर कळ्या येउन त्या उमलण्यास सुरूवात हाते. यंदा १ सप्टेंबरपासूनच कासचा हंगाम सुरू होणार असल्‍याने पर्यटकांची या ठिकाणी गर्दी होणार आहे.
हेही वाचा :
'Pudhari' is excited to announce the relaunch of its Android and iOS apps. Stay updated with the latest news at your fingertips.
Android and iOS Download now and stay updated, anytime, anywhere.