पुढारी ऑनलाईन डेस्क : २६ जानेवारी हा देशभरात प्रजासत्ताक दिन साजरा केला जातो. या प्रजासत्ताक दिनाची शोभा यात्रा ही खास विशेष आकर्षण असते. यंदाच्या शोभा यात्रेसाठी लाभलेले फ्रान्सचे राष्ट्राध्यक्ष इमॅन्युएल मॅक्रॉन हे भारतात दाखल झाले आहेत. जयपूरचे मुख्यमंत्री भजनलाल शर्मा यांनी त्यांचे स्वागत करतानाचे काही फोटो एक्सवर पोस्ट केले आहेत. (Emmanuel Macron In India)
उद्या (दि. २५) प्रजासत्ताक दिनाच्या शोभा यात्रेचे प्रमुख पाहुणे म्हणून उपस्थित राहण्यासाठी भारतात आले आहेत. आज (दि. २५) दुपारी ते जयपूरमध्ये पोहोचले. ते 2 दिवसांच्या भारत दौऱ्यावर आले आहेत. मॅक्रॉन हे दिल्लीला न जाता पॅरिसहून थेट जयपूरला पोहोचले आहेत. येथे आमेर किल्ल्यावर त्यांचे राजस्थानी शैलीत स्वागत करण्यात आले. मॅक्रॉन यांची भेट भारत-फ्रान्स धोरणात्मक भागीदारीच्या २५ व्या वर्धापन दिनाच्या समारंभामुळे विशेष ठरणार आहे. (Emmanuel Macron In India)
पंतप्रधान नरेंद्र मोदी यांनी जयपूरच्या जंतरमंतरवर पोहोचत मॅक्रॉन यांचे स्वागत केले. दोन्ही नेत्यांनी एकमेकांना मिठी मारली. काही वेळाने दोन्ही नेते रोड शो करणार आहेत. यानंतर ते हवा महलासमोर चहा पितील. रामबाग हॉटेलमध्ये दोन्ही देशांदरम्यान द्विपक्षीय चर्चा होणार आहे. मॅक्रॉन रात्री दिल्लीला रवाना होतील. (Emmanuel Macron In India)
हेही वाचा