पुढारी वृत्तसेवा : धार्मिक तेढ निर्माण करणारे भाषण केल्याप्रकरणी कालिचरण महाराज यांच्याविरुद्ध सिंहगड रस्ता पोलीस ठाण्यात गुन्हा दाखल करण्यात आला. याबाबत पोलीस हवालदार नितीन खुटवड यांनी सिंहगड रस्ता पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, कालिचरण महाराज उर्फ अभिजीत धनंजय सराग (वय ४८) याच्याविरुद्ध गुन्हा दाखल करण्यात आला. सिंहगड रस्ता भागातीाल सनसिटी रस्ता परिसरात छत्रपती शिवाजी महाराज जयंतीनिमित्त कालिचरण महाराज याचे व्याख्यान आयोजित करण्यात आले होते. त्यावेळी कालिचरन महाराज यांनी धार्मिक तेढ निर्माण करणारे भाषण केले होते.
कालिचरण महाराजने केलेल्या भाषणाची ध्वनिचित्रफीत पोलिसंनी कायदेशीर बाबी विचारात घेऊन पडताळून पाहिली. त्यानंतर धार्मिक तेढ निर्माण केल्याप्रकरणी कालिचरण महाराजांविरुद्ध गुन्हा दाखल करण्यात आला. सहायक पोलीस निरीक्षक कादबाने तपास करत आहेत. धार्मिक तेढ निर्माण केल्याप्रकरणी कालिचरण महाराजांविरुद्ध यापूर्वी पुण्यासह राज्यभरात गुन्हे दाखल झाले आहेत.
हेही वाचा :