शुगर फ्री पदार्थांमुळे कर्करोगाचा धोका

गोड पदार्थ बंद करण्याची सवय 

शरीराला हळूहळू लावून घेता येते. त्यामुळे कोणताही पदार्थ एकदम बंद करण्यापेक्षा त्याचे प्रमाण 

हळूहळू कमी करीत नेणे केव्हाही चांगले. डॉक्टर सहसा रुग्णांना कृत्रिम स्वीटनर वापरण्याचा पर्याय सुचवत नाहीत. गोड खाण्याची इच्छा झाल्यास खजूर बिया, मध, फळाची एखादी फोड, असे पर्याय अवलंबले जाऊ शकतात. कोणत्याही गोष्टीचा अतिरेक वाईटच असतो. त्यामुळे कृत्रिम पदार्थांचे स्वतःच्या शरीरावर प्रयोग न करणे केव्हाही चांगले. नैसर्गिक घटक शरीरासाठी कायम चांगले असतात.

                                                                                – डॉ. आरती शहाडे, मधुमेहतज्ज्ञ

गोड पदार्थांची सवय हळूहळू सुटू 

शकते. चहा-कॉफीमध्ये साखरेऐवजी दालचिनीचा वापर करता येतो. अनेक वर्षे सातत्याने कृत्रिम स्वीटनरचा वापर केल्याने कर्करोगाचा धोका वाढतो, असे जागतिक आरोग्य संघटनेचे म्हणणे आहे. कृत्रिम स्वीटनरऐवजी स्टीव्हिया या तुळशीसारख्या वनस्पतीच्या हिरव्या पानांची पावडर वापरता येऊ शकते अथवा बिनसाखरेचे पदार्थ केव्हाही उपयुक्त असतात.

                                                                                 – डॉ. चंद्रकांत शहाडे, मधुमेहतज्ज्ञ