नवी दिल्ली : आगामी टी-20 वर्ल्डकप स्पर्धेसाठी भारताच्या 15 सदस्यीय संघाची घोषणा नुकतीच करण्यात आली. आशिया चषक 2022 स्पर्धेतील भारतीय संघात बदल नसला तरी खेळाडूंच्या कपड्यांबाबत एक नवा बदल दिसणार आहे. भारतीय चाहत्यांसाठी सरप्राईज म्हणजेच मागच्या वर्ल्डकप स्पर्धेत भारतीय संघ रेट्रो जर्सीत मैदानावर उतरला होता. तसेच आता या वर्ल्डकपसाठी पुन्हा एकदा भारतीय संघ नवीन जर्सी परिधान करणार आहे. आयएमपीएल या टीम इंडियाच्या अधिकृत जर्सीसाठीच्या प्रायोजकांनी एक प्रोमो पोस्ट केला होता. त्यानंतर आज त्यांनी नव्या जर्सीचे अनावरण केले.