संयुक्त अरब अमिराती (UAE) ने आपल्या पारंपरिक गुंतवणूक-आधारित रेसिडेन्सी मॉडेलमध्ये मोठा बदल करत आता नॉमिनेशन-आधारित 'गोल्डन व्हिसा' योजना सुरू केली आहे. याअंतर्गत पात्र भारतीय नागरिकांना कोणतीही मालमत्ता किंवा व्यवसायात गुंतवणूक न करता, फक्त AED 1,00,000 (अंदाजे ₹23.3 लाख) एकदाच भरून आजीवन रेसिडेन्सी मिळणार आहे.
आधी कसं, UAE मध्ये आयुष्यभरासाठी राहायचं असेल तर करोडोंची गुंतवणूक करावी लागायची. पण आता तसं काही नाही. आता फक्त एकदाच १ लाख दिरहम (म्हणजे आपले साधारण २३.३ लाख रुपये) भरायचे आणि आयुष्यभरासाठी UAE मध्ये राहण्याचा व्हिसा मिळवायचा! यासाठी तुम्हाला कोणतीही प्रॉपर्टी किंवा बिझनेसमध्ये गुंतवणूक करायची गरज नाही.
विचार करा, आधी भारतीयांना गोल्डन व्हिसा हवा असेल तर कमीत कमी २ मिलियन दिरहम (म्हणजे जवळपास ४.६६ कोटी रुपये) ची प्रॉपर्टी घ्यावी लागत होती. पण आता ही अट काढून टाकली आहे.
आता तुमचा व्हिसा तुमच्या कामावर, शिक्षणावर आणि तुमच्यामुळे UAE ला काय फायदा होऊ शकतो यावर ठरेल. म्हणजे, जर तुम्ही हुशार असाल, तुमच्याकडे चांगली कला असेल किंवा तुम्ही मोठे व्यावसायिक असाल, तर तुम्हाला निवडलं जाईल.
सध्या ही नवीन स्कीम फक्त भारत आणि बांगलादेशमध्ये प्रायोगिक तत्त्वावर (पायलट प्रोजेक्ट) सुरू केली आहे. पहिल्या ३ महिन्यांत भारतातून ५,००० अर्ज येतील अशी त्यांना अपेक्षा आहे.
भारतात हे सगळं काम 'रायाद ग्रुप' नावाची कंपनी बघणार आहे. तुम्ही VFS किंवा One Vasco सेंटरमध्ये जाऊन किंवा ऑनलाइन अर्ज करू शकता.
अर्ज केला म्हणजे व्हिसा मिळाला असं नाही.
तुमची सगळी माहिती (बॅकग्राऊंड) तपासली जाईल.
तुमचे पैशांचे व्यवहार तपासले जातील.
तुमच्यावर काही गुन्हा दाखल आहे का, हे पाहिलं जाईल.
इतकंच काय, तुमचं सोशल मीडियासुद्धा तपासलं जाईल.
शेवटचा निर्णय UAE सरकारच घेणार आहे.
तुम्ही तुमच्या पूर्ण कुटुंबासोबत तिथे राहू शकता.
घरात कामाला माणसं (नोकर) ठेवू शकता.
स्वतःचा व्यवसाय किंवा नोकरी करू शकता.
आणि सगळ्यात भारी गोष्ट म्हणजे, प्रॉपर्टीवर घेतलेला व्हिसा प्रॉपर्टी विकल्यावर रद्द होतो, पण हा व्हिसा आयुष्यभरासाठी तुमच्याकडेच राहील!
या नवीन नियमामुळे भारत आणि UAE चे संबंध अजूनच घट्ट होणार आहेत.