Gaza Ceasefire : अलिकडच्या इस्रायली हवाई हल्ल्यात गाझामध्ये किमान २६ जण ठार झाले आहेत.. इस्रायलचे पंतप्रधान बेंजामिन नेतान्याहू यांनी गाझावर तात्काळ, शक्तिशाली हल्ले करण्याचे आदेश दिले आहेत. यानंतर आता 'युद्धविरामा'बाबत अमेरिकेचे राष्ट्राध्यक्ष डोनाल्ड ट्रम्प यांनी मोठे विधान केले आहे. दरम्यान, हमासने आमच्या सैन्यावर हल्ला करत अमेरिकेच्या मध्यस्थीने केलेल्या युद्धबंदीचे उल्लंघन केल्याचा आरोप इस्रायली सैन्याने केला आहे., गाझाच्या नागरी संरक्षण संस्थेने सांगितले की, युद्धबंदी असूनही इस्रायलने तीन हल्ले केले असून, यामध्ये २६ जण नागरिक ठार झाले आहेत, असे वृत्त 'रॉयटर्स'ने दिले आहे.
हमासने इस्रायली सैनिकावर हल्ला केला. त्यामुळेच म्हणून इस्रायलींनी प्रत्युत्तर दिले. तुम्हाला हे समजून घ्यावे लागेल की मध्य पूर्वेतील शांततेचा हमास हा एक अतिशय छोटासा भाग आहे. जर हमानसे शांततेचे पालन केले तर आनंदी असतील. त्यांनी कुरापती काढणल्यास संपवले जातील. गाझामध्ये सुरू असलेल्या युद्धविराम कराराला धोका नाही, असे स्पष्ट करत हमास योग्यरित्या वागला नाही तर तो नष्ट केला जाईल, असा इशारा देत अमेरिकेचे राष्ट्राध्यक्ष डोनाल्ड ट्रम्प यांनी इस्रायलच्या प्रत्युत्तरात्मक हल्ल्यांना पाठिंबा दिला.
अमेरिकेच्या अध्यक्षांनी सांगितले की गाझामधील युद्धविराम सुरू राहील. त्यांच्या विधानात उपराष्ट्रपती जे.डी. व्हान्स यांच्या विचारांचे प्रतिध्वनी होते, ज्यांनी म्हटले होते की इस्रायली हल्ल्यांमध्ये 26 लोकांचा मृत्यू झाला असूनही गाझामध्ये युद्धबंदी कायम आहे. स्थानिक माध्यमांच्या वृत्तानुसार, अलिकडच्या इस्रायली हवाई हल्ल्यात गाझामध्ये किमान २० लोक मारले गेले. अल जझीराच्या वृत्तानुसार, इस्रायली हल्ल्यांना प्रत्युत्तर म्हणून, हमासच्या सशस्त्र शाखेने, कसम ब्रिगेड्सने तेल अवीववर कराराचे उल्लंघन केल्याचा आरोप केला आहे.
इस्रायल आणि हमास यांच्यात पुन्हा हिंसाचार सुरू झाल्याने गाझा पट्टीतील नाजूक युद्धबंदीवर ताण आला आहे, कारण युद्धबंदी कराराचा एक महत्त्वाचा घटक म्हणजे ओलिसांचे मृतदेहष परत करण्याबाबत अविश्वास वाढत आहे.इस्रायलने हमासवर ते परत न करून मृतदेह दफन केल्याचा आरोप केला आहे. पॅलेस्टिनी इस्लामी गटाने सांगितले की, गाझाच्या युद्धग्रस्त अवशेषांमध्ये अवशेष शोधण्यासाठी वेळ लागेल. दरम्यान, हमासशी संबंधित गटाने एका निवेदनात इशारा दिला की इस्रायली हल्ल्यांमध्ये वाढ झाल्यास गाझामधील उर्वरित १३ बंदिवानांचे मृतदेह परत करण्यास विलंब होईल.
इस्त्रायल -हमास यांच्यात १० ऑक्टोबरपासून युद्धबंदी करार लागू आहे. इस्रायली फॉरेन्सिक तपासणीत असे दिसून आले की हमासने प्रत्यक्षात एका ओलिसाचे अर्धवट अवशेष दिले होते ज्याचा मृतदेह सुमारे दोन वर्षांपूर्वी इस्रायलला परत आणण्यात आला होता, असे नेतन्याहू यांच्या कार्यालयाने म्हटले आहे.हमासचे प्रवक्ते हाझेम कासेम यांनी दोन वर्षांच्या युद्धादरम्यान इस्रायलने केलेल्या बॉम्बस्फोटामुळे ठिकाणे ओळखता येत नसल्याचा दावा फेटाळून लावला, असा युक्तिवाद केला की उर्वरित मृतदेह कुठे आहेत हे गटाला माहित आहे.इस्रायली कैद्यांचे मृतदेह सापडल्यानंतर शक्य तितक्या लवकर त्यांना सोपवण्याचा हा चळवळीचा निर्धार आहे," असे त्यांनी 'एएफपी'ला सांगितले.युद्धबंदी करारात मान्य केल्याप्रमाणे हमासने सर्व २० जिवंत बंधकांना आधीच परत पाठवले आहे.
युद्धबंदीच्या उल्लंघनानंतर, असे दिसते की इस्रायल आणि गाझासाठी सामान्य होत असलेली परिस्थिती आता हळूहळू मूळ स्थितीत परत येत आहे.इस्रायलने गाझावर हल्ला करण्यास सुरुवात केली आहे आणि इतिहासात पाहिल्याप्रमाणे हमास देखील प्रत्युत्तर देऊ शकतो. १० ऑक्टोबर रोजी राष्ट्राध्यक्ष डोनाल्ड ट्रम्प यांच्या प्रशासनाने मध्यस्थी केलेली युद्धबंदी आतापर्यंत अधूनमधून होणारी हिंसाचार थांबवण्यात अपयशी ठरली आहे. गाझाच्या आरोग्य मंत्रालयाच्या मते, ऑक्टोबर २०२३ मध्ये युद्ध सुरू झाल्यापासून किमान ६८,५३१ लोक मारले गेले आहेत. हमासने इस्रायलवर केलेल्या हल्ल्यात १,२२१ लोक मृत्युमुखी पडले आणि २५० हून अधिक लोकांना ओलीस ठेवले गेले होते.