Goa Engineering College 37 posts recruitment
पणजी : गोवा अभियांत्रिकी महाविद्यालयात विविध विभागांत साहाय्यक प्राध्यापक पदांसाठी ३७ पदे जाहीर करण्यात आली आहेत. ही सर्व पदे कंत्राटी आणि अतिथी तत्त्वावर थेट मुलाखती घेऊन भरण्यात येणार आहेत. कंत्राटाचा कालावधी शैक्षणिक वर्ष २०२६-२७ पासून ३ शैक्षणिक सत्रांसाठी असणार आहे. नंतर ही पदे नियमित तत्वावर भरण्यासाठी प्रथम येणाऱ्याला प्राधान्य दिले जाणार आहे.
फार्मागुढी-फोंडा येथील गोवा अभियांत्रिकी महाविद्यालयाने दिलेल्या माहितीनुसार, विज्ञान आणि मानविकी (गणित, रसायनशास्त्र) विभागात ३ पदांसाठी अर्ज मागवले आहेत. ही सर्व पदे आरक्षित नसून; यासाठी २३ मे रोजी थेट मुलाखती होणार आहेत.
माहिती तंत्रज्ञान विभागात ६ पदांसाठी अर्ज मागवले आहेत. त्यातील ३ अनारक्षित, १ ओबीसी, १ पीडब्ल्यूडी आणि १ एसटीसाठी आरक्षित आहे. संगणक अभियांत्रिकी विभागात ४ पदांसाठी अर्ज मागवले आहेत. त्यातील २ अनारक्षित आणि २ ओबीसीसाठी राखीत आहेत. या दोन्ही विभागांसाठी थेट मुलाखत २५ मे रोजी होणार आहे.