पणजी : पुढारी वृत्तसेवा
बनावट सोन्याची दागिने तारण ठेवून यूको बँकेच्या सुवर्णकर्ज फसवणूक प्रकरणी सक्तवसुली संचालनालयाच्या (ईडी) पणजी विभागीय कार्यालयाने मोठी कारवाई करत सुमारे १.१७ कोटींची मालमत्ता तात्पुरती जप्त केली आहे.
ही कारवाई पीएमएलए (मनी लाँडरिंग प्रतिबंधक कायदा) अंतर्गत करण्यात आली आहे. ईडीच्या माहितीनुसार, हेमंत रायकर आणि गुंडू केळवेकर यांनी बनावट सोन्याच्या दागिन्यांचा वापर करून बँकेतून ३२ सुवर्णकर्जे मिळवण्यासाठी कट रचल्याचा आरोप आहे.
या प्रकरणातील गुन्ह्यातून मिळालेल्या माहितीनुसार या रकमेचा अंदाज सुमारे २. ८१ कोटी इतका आहे. या प्रकरणाचा पुढील तपास सुरू असून, आर्थिक व्यवहार आणि संबंधित मालमत्तांचा तपशील तपासला जात आहे. ईडीच्या या कारवाईमुळे बँकिंग क्षेत्रातील फसवणुकीविरोधात कठोर पावले उचलली जात असल्याचे स्पष्ट झाले आहे.