हळदोणा येथील धोकादायक बाजार संकुलाची इमारत पाडणार

पणजी : पुढारी वृत्तसेवा : उत्तर गोवा जिल्ह्यातील हळदोणा येथील धोकादायक झालेल्या बाजार संकुलाची इमारत पाडण्यास बार्देशच्या उपजिल्हाधिकार्‍यांनी मंजुरी दिली आहे. हळदोणा येथील बाजार संकुल इमारत जुनी असून ती धोकादायक बनली होती. त्यामुळे ही इमारत पाडून तिथे नवीन इमारत उभारण्याची मागणी स्थानिकांमधून होत होती.

हळदोणे आमदार कार्लुस फेरेरा यांनीही या धोकादायक इमारतीकडे सरकारचे लक्ष वेधले होते. ही इमारत धोकादायक असल्याने ती पाडण्यासाठी उपजिल्हाधिकार्‍यांनी परवानगी दिली असून येथे नवीन इमारत उभारणीचा मार्ग मोकळा झाला आहे.