म्हापसा : पुढारी वृत्तसेवा
हडफडे येथील 'बर्च बाय रोमियो लेन' क्लब आग दुर्घटना प्रकरणी क्लबचा ऑपरेशनल मॅनेजर बिजयकुमार सिंग (वय ३८, रा. झारखंड) याला म्हापसा न्यायालयाने ८ दिवसांची पोलिस कोठडी सुनावली आहे.
हणजूण पोलिसांनी शुक्रवार, ९ रोजी सायंकाळी संशयित आरोपी बिजय कुमार सिंग याला झारखंडमधून गोव्यात आणले होते. बर्च दुर्घटनेनंतर संशयित आरोपी आपल्या मूळ गावी झारखंड येथे पळून गेला होता. तो आपल्या मुळ गावी असल्याची खात्री पटल्यानंतर पोलिस पथकाला झारखंडमध्ये पाठवण्यात आले होते. या पथकाने झारखंडमधील पोलिसांच्या मदतीने संशयिताला पकडून अटक केली होती.