स्मार्टफोन बाजारात उत्सुकता शिगेला पोहोचली आहे, कारण लोकप्रिय स्मार्टफोन ब्रँड Oppo आज (३ जुलै) भारतात आपली बहुप्रतिक्षित Reno 14 5G सीरीज लाँच करत आहे. या सीरिजमध्ये Oppo Reno 14 5G आणि Oppo Reno 14 Pro 5G हे दोन जबरदस्त मॉडेल्स सादर केले जाणार आहेत.
उत्कृष्ट कॅमेरा, फास्ट प्रोसेसर आणि अत्याधुनिक AI (आर्टिफिशियल इंटेलिजन्स) फीचर्समुळे ही सीरिज चर्चेत आहे.
कंपनीने लाँचिंगपूर्वीच या फोनमधील काही खास AI फीचर्सची झलक दाखवली आहे, ज्यामुळे ग्राहकांची उत्सुकता आणखी वाढली आहे. चला तर मग, या नव्या स्मार्टफोन्समध्ये काय खास असणार आहे आणि त्यांची किंमत किती असू शकते, यावर एक नजर टाकूया.
Oppo Reno 14 5G सीरीजचा लाँचिंग सोहळा आज, ३ जुलै रोजी दुपारी १२ वाजता सुरू होईल. हा कार्यक्रम तुम्हाला घरबसल्या Oppo India च्या अधिकृत YouTube चॅनल आणि इतर सोशल मीडिया प्लॅटफॉर्मवर थेट पाहता येईल.
कंपनी आज दुपारी अधिकृत किंमत जाहीर करेल, पण चीनमध्ये झालेल्या लाँचिंगच्या आधारावर भारतातील किंमतीचा अंदाज बांधला जात आहे.
Oppo Reno 14 5G: याची सुरुवातीची किंमत सुमारे ₹33,200 च्या आसपास असू शकते.
Oppo Reno 14 Pro 5G: या प्रो मॉडेलची किंमत सुमारे ₹41,500 पासून सुरू होण्याची शक्यता आहे.
हे फोन १२GB आणि १६GB रॅम पर्यायांसह २५६GB पासून ते थेट १TB पर्यंतच्या स्टोरेजमध्ये उपलब्ध होऊ शकतात.
डिस्प्ले आणि प्रोसेसर:
स्क्रीन: Reno 14 मध्ये 6.59-इंचाचा OLED डिस्प्ले, तर Pro मॉडेलमध्ये 6.83-इंचाची मोठी स्क्रीन मिळेल. दोन्ही फोन 1.5K रिझोल्यूशन आणि १२०Hz रिफ्रेश रेटसह येतील, ज्यामुळे गेमिंग आणि व्हिडिओ पाहण्याचा अनुभव जबरदस्त असेल.
प्रोसेसर: Reno 14 मध्ये MediaTek Dimensity 8350 प्रोसेसर, तर Pro मॉडेलमध्ये आणखी शक्तिशाली Dimensity 8450 चिपसेट असण्याची शक्यता आहे.
बॅटरी आणि चार्जिंग:
बॅटरी: Reno 14 मध्ये 6000mAh ची मोठी बॅटरी ८०W फास्ट चार्जिंगसह, तर Pro मॉडेलमध्ये 6200mAh ची बॅटरी ५०W वायरलेस चार्जिंग सपोर्टसह येऊ शकते.
ऑपरेटिंग सिस्टिम:
हे दोन्ही फोन नवीनतम Android 15 वर आधारित ColorOS 15 वर चालतील.
Reno सीरीज नेहमीच कॅमेऱ्यासाठी ओळखली जाते आणि यावेळीही कंपनीने कोणतीही कसर सोडलेली नाही.
Reno 14 कॅमेरा: यात 50MP चा मुख्य सोनी सेन्सर, 8MP अल्ट्रा-वाइड आणि 3.5x ऑप्टिकल झूमसह 50MP चा टेलीफोटो लेन्स मिळेल.
Reno 14 Pro कॅमेरा: यात 50MP मुख्य कॅमेरा, 50MP अल्ट्रा-वाइड आणि 50MP पेरिस्कोप टेलीफोटो लेन्स असा ट्रिपल कॅमेरा सेटअप असेल.
सेल्फी कॅमेरा: दोन्ही फोनमध्ये सेल्फी आणि व्हिडिओ कॉलिंगसाठी 50MP चा फ्रंट कॅमेरा मिळण्याची शक्यता आहे.
या फोनमध्ये अनेक AI फीचर्स देण्यात आले आहेत, जे तुमचा फोटोग्राफी आणि वापरण्याचा अनुभव बदलून टाकतील.
AI Perfect Shot
AI Recompose
AI Style Transfer
AI Livephoto 2.0
AI Voice Enhancer
एकंदरीत, दमदार कॅमेरा, मोठी बॅटरी आणि AI फीचर्सच्या जोरावर ओप्पोची ही नवीन सिरीज बाजारात धुमाकूळ घालेल आहे. आता सर्वांचे लक्ष आज दुपारी जाहीर होणाऱ्या अधिकृत किंमतीकडे लागले आहे, ज्यावरच या फोनचे भारतातील यश अवलंबून असेल.