WhatsApp प्रमाणेच, आता लोक ChatGPT ची चॅट हिस्ट्री कशी डिलीट करावी हे इंटरनेटवर शोधत आहेत. ChatGPT आणि Google Gemini सारखी AI साधने आपल्या जीवनाचा अविभाज्य भाग बनत आहेत. अनेक लोक आता गुगल (Google) सर्चऐवजी AI टूल्सचा वापर करत आहेत आणि अनेकदा असे प्रश्न विचारत आहेत जे ते सहसा गुगलवर विचारत नाहीत.
एखादा प्रश्न विचारणे म्हणजे तुम्ही तुमची काही वैयक्तिक माहिती त्या AI टूलला देत आहात. तुमचा वैयक्तिक डेटा ChatGPT आणि Gemini सारख्या टूल्सकडे किती सुरक्षित आहे, याबद्दल चर्चा सुरूच राहील. पण सध्या आपण ChatGPTवरील चॅट हिस्ट्री (History) आणि डेटा (Deta) कसा हटवायचा हे जाणून घेऊया. डेटा सर्व्हरवरून कसा डिलीट करायचा हे आपण नंतर पाहू.
जेव्हा तुम्ही कोणत्याही AI टूलसोबत संभाषण सुरू करता, तेव्हा त्याचा एक लॉग तयार होतो, जो सहसा डाव्या बाजूला दिसतो. ChatGPT, Gemini आणि Grok सारख्या टूल्समध्ये लॉगिन केल्यानंतर, होम पेज उघडते आणि डाव्या बाजूला एक पॅनल दिसते, जिथे तुमच्या संभाषणांचा इतिहास असतो. ही संभाषणाची हिस्ट्री डिलीट करण्यासाठी, तुम्हाला तीन डॉटवर क्लिक करावे लागेल. तिथे तुम्हाला Rename आणि Delete असे पर्याय दिसतील, जिथून तुम्ही हिस्ट्री हटवू शकता.
स्मार्टफोनवर:
तुमच्या स्मार्टफोनवर ChatGPT ॲप उघडा आणि मेनू आयकॉनवर टॅप करा.
सर्वात खाली तुम्हाला तुमचा प्रोफाइल आयकॉन (तुमचे नाव) दिसेल, त्यावर टॅप करा.
एक लिस्ट उघडेल, जिथे तुम्हाला Data Controls दिसेल. या मेनूमध्ये जाऊन तुम्ही Clear Chat History हा पर्याय निवडू शकता.
वेबसाइटवर:
ChatGPT च्या वेबसाइटवर लॉगिन करा.
Settings मध्ये जा.
Data Controls शोधा. येथे तुम्हाला Delete All Chats चा पर्याय दिसेल. तो निवडल्यानंतर, तुम्ही ChatGPT वरून तुमची संपूर्ण चॅट हिस्ट्री डिलीट करू शकता.
ChatGPT तुम्हाला तुमच्या चॅट्सची माहिती एक्सपोर्ट करण्याचा पर्याय देखील देते. Data Controls पर्यायामध्येच तुम्हाला इतरही अनेक पर्याय दिसतील. तिथे तुम्हाला सर्वात खाली Export Data चा पर्याय मिळेल. Export Data कन्फर्म केल्यावर, तुमची संपूर्ण ChatGPT हिस्ट्री तुमच्या ईमेल आयडीवर पाठवली जाईल.