पुढारी ऑनलाईन डेस्क : कडाक्याचे ऊन आणि अंगाची होणारी लाही-लाही, यामुळे उन्हाळ्यात जीव कासावीस होऊन जातो. या दिवसात पाणी पिण्याचे प्रमाणही खूप वाढते. त्यामुळे भूक मंदावते आणि ओबड-धोबड खाण्यात आल्याने पचन क्षमताही बिघडते. म्हणून या असह्य उन्हाळ्यात शरीराला थंडावा देईल असा, योग्य व संतुलित आहार घेणे गरजेचे ठरते. या दिवसांमध्ये आरोग्य निरोगी ठेवण्यासाठी या गोष्टी नक्की करा…
हे खावे ?
- उन्हाळ्याच्या दिवसात ताजे, पचायला हलके असणाऱ्या पदार्थांचा आहारात समावेश करा.
- या दिवसात कलिंगड, संत्री, मोसंबी, द्राक्ष, अननस, सफरचंद ही हंगामी फळे किंवा शक्य झाल्यास याचा ताजा ज्यूस घ्यावा.
- लिंबू पाणी, ताक, शहाळे, नाचणीची आंबील, कैरीचे पन्हं यांचेही सेवन करावे.
- आहारात हिरव्या भाज्या, ज्वारी, नाचणी, कडधान्ये, वरणभात या हलक्या पदार्थांचा समावेश करावा.
- आहारात दूध, तूप, दही यांसारख्या दुग्धजन्य पदार्थांचे सेवन करा.
- कांदा, काकडी, गाजर, पुदिना, कलिंगड या ग्रीनरेड सॅलेडचा आहारात समावेश करावा.
हे खाणे टाळावे ?
- अति तेलकट, तिखट, फास्टफूड पदार्थ टाळावेत कारण यामुळे पित्त, अपचन, गॅसचा त्रास होऊ शकतो.
- शीतपेयं (कोल्ड्रिंग्स) घेणे टाळा.
- मासे, अंडी, मांसाहाराचे प्रमाण कमी असावे.
- आहारात तळलेले पदार्थ, लोणचे, चटण्या खाणे टाळावे.
- आहारात अति उष्ण पदार्थाचे सेवन करणे टाळा.
- बाहेरचे आणि अति थंड पाणी पिणे टाळा.
- चहा-कॉफीचे सेवन शक्य झाल्यास टाळा.
- मद्यपान आणि धुम्रपान करू नका.
पाहा व्हिडीओ :
लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.
'Pudhari' is excited to announce the relaunch of its Android and iOS apps. Stay updated with the latest news at your fingertips.
Android and iOS Download now and stay updated, anytime, anywhere.