KTM RC 160 2026
मुंबई: केटीएम कंपनीने भारतीय बाजारपेठेत आपल्या लोकप्रिय RC 160 या मॉडेलला नव्या रंगात सादर केले आहे. विशेष म्हणजे, लूक अधिक आकर्षक झाला असला तरी कंपनीने बाईकच्या किमतीत कोणतीही वाढ केलेली नाही. यापूर्वी ही बाईक केवळ एका 'काळा' रंगात उपलब्ध होती. आता ग्राहकांना दोन नवीन पर्यायांची निवड करता येईल.
इलेक्ट्रॉनिक ऑरेंज मॅट: हा केटीएमचा सिग्नेचर लूक आहे. यामध्ये ऑरेंज बेससह काळ्या रंगाचे ग्राफिक्स आणि काळे अलॉय व्हील्स मिळतात. बाईकची फ्रेम देखील लक्षवेधी ऑरेंज रंगात आहे.
सिरेमिक व्हाईट मॅट: ज्यांना क्लासिक लूक आवडतो त्यांच्यासाठी हा उत्तम पर्याय आहे. पांढऱ्या बेसवर काळ्या आणि केशरी रंगाचे ग्राफिक्स असून, याचे व्हिल मात्र केशरी रंगात देण्यात आली आहेत.
KTM RC 160 मध्ये 164.2cc क्षमतेचे सिंगल-सिलेंडर, लिक्विड-कूल्ड इंजिन देण्यात आले आहे.
पॉवर: 18.73 bhp
टॉर्क: 15.5 Nm
गिअरबॉक्स: 6-स्पीड (स्लिपर क्लच सुविधेसह)
नवीन रंगांच्या समावेशानंतरही या बाईकची एक्स-शोरूम किंमत 1.85 लाख रुपये इतकीच कायम ठेवण्यात आली आहे. नवीन रंगांच्या मोटारसायकली आधीच शोरूममध्ये येण्यास सुरुवात झाली आहे.