Nitish Kumar Net Worth: बिहारमध्ये अलीकडेच विधानसभा निवडणुका झाल्या आणि एनडीए आघाडीचा मोठा विजय झाला. त्यानंतर पुन्हा एकदा नीतीश कुमार मुख्यमंत्री झाले. त्यांनी दहाव्यांदा शपथ घेतल्याने हे मोठं यश मानलं जात आहे. याच वेळी त्यांच्या संपत्तीची चर्चा होत आहे. पण त्यांची संपत्ती नेमकी किती आहे याबद्दल लोकांमध्ये उत्सुकता आहे.
शपथविधीवेळी दिलेल्या जाहीरनाम्यात नीतीश कुमार यांनी स्वतः त्यांची संपत्ती सांगितली आहे. नवीन माहितीनुसार त्यांची एकूण संपत्ती 1.64 कोटी रुपये इतकी आहे. गेल्या वर्षाच्या तुलनेत ही संपत्ती जवळपास समानच आहे. त्यांनी सांगितले की —
त्यांच्या जवळ ₹21,052 रोख आहेत
बँक खात्यांमध्ये ₹60,811 रुपये आहेत
इतर गुंतवणूक व ठेवींसह एकूण चल संपत्ती ₹16.97 लाख
लोकप्रतिनिधी असूनही त्यांच्या बँकेत फार मोठी रक्कम नाही. त्यांच्याकडे फक्त एकच कार आहे. नीतीश कुमार यांच्या नावावर फक्त Ford EcoSport Titanium कार आहे. या कारची किंमत ₹11,32,753 रुपये आहे.
तसेच त्यांच्या वैयक्तिक मौल्यवान वस्तूंमध्ये दोन सोन्याच्या अंगठ्या आणि एक चांदीची अंगठी आहे. त्याची किंमत ₹1,26,000 रुपये आहे. घरातील वस्तू जसे एसी, कंप्यूटर, ट्रेडमिल, वॉशिंग मशीन व इतर उपकरणे यांची किंमत ₹3.52 लाख आहे.
हे वाचून अनेकांना आश्चर्य वाटेल की, नीतीश कुमार यांच्याकडे स्वतःच्या मालकीच्या 13 गायी आणि 10 वासरं आहेत. हे पशुधन त्यांच्या संपत्तीत स्पष्टपणे लिहिलेलं आहे. त्यांच्या नावावर एक महागडी अचल संपत्ती आहे. दिल्लीच्या द्वारका येथे 1000 स्क्वेअर फुटांचा फ्लॅट आहे. त्याची किंमत ₹1.48 कोटी आहे. हीच त्यांची सर्वात मोठी मालमत्ता मानली जाते.
2015 मध्ये त्यांच्या मुलाचीही मालमत्ता जाहीर झाली होती —
₹7,000 रोख
बँक व पोस्ट ऑफिसात ₹80 लाखांपेक्षा जास्त रक्कम
सोने-चांदी, शेतीची जमीन
नालंदा व बख्तियारपूरमध्ये घरे व इतर मालमत्ता
म्हणजे कुटुंबाची संपत्ती पाहिली तर ती जास्त आहे. नीतीश कुमार यांनीच नियम केला आहे की, राज्यातील सर्व मंत्र्यांनी दरवर्षी आपली संपत्ती आणि कर्जाचा तपशील जाहीर करावा. यामुळे सरकारमध्ये पारदर्शकता निर्माण होईल.