पुढारी ऑनलाईन डेस्क : जागतिक बाजारातील मजबूत संकेतांदरम्यान भारतीय शेअर बाजार मंगळवारी (दि.१६) तेजीत खुला झाला. विशेष म्हणजे निफ्टी ५० ने आज पुन्हा नवा उच्चांक नोंदवला. निफ्टीने (Nifty 50) आज सुरुवातीला पहिल्यांदाच २४,६५० च्या अंकाला स्पर्श केला. तर सेन्सेक्सने सुरुवातीला सुमारे १५० अंकांनी वाढून ८०,८०० वर व्यवहार केला.
निफ्टी ५० ने जुलैमध्ये आतापर्यंत १२ पैकी ८ सत्रांमध्ये विक्रमी उच्चांक नोंदवला आहे.निफ्टी ५० वर भारती एअरटेल, बीपीसीएल, कोल इंडिया, अदानी एंटरप्रायजेस, टाटा स्टील हे शेअर्स तेजीत आहेत. तर श्रीराम फायनान्स, पॉवर ग्रिड, एलटी, कोटक बँक या शेअर्समध्ये घसरण दिसून येत आहे.
सेन्सेक्सवर भारती एअरटेल, टाटा स्टील, हिंदुस्तान युनिलिव्हर, एम अँड एम, आयसीआयसीआय बँक, इन्फोसिस हे शेअर्स तेजीसह खुले झाले आहेत. तर कोटक बँक, अल्ट्राटेक सिमेंट, पॉवर ग्रिड, एलटी, टाटा मोटर्स, इंडसइंड बँक या शेअर्समध्ये काही प्रमाणात घसरण झाली आहे. बीएसई मिडकॅप आणि स्मॉलकॅप हिरव्या रंगात व्यवहार करत आहेत.
बजाज ऑटोचा शेअर्स आज फोकसमध्ये असणार आहे. कारण ही कंपनी त्याचे पहिल्या तिमाहीतील कमाईचे आकडे आज जाहीर करणार आहे.
क्षेत्रीय निर्देशांकांत रियल्टी, मेटल आणि एनर्जी शेअर्समध्ये सर्वाधिक वाढ दिसून येत आहे. तर हेल्थकेअर, फार्मा आणि आयटीमध्ये घसरण झाली आहे. आयटीमधील एचसीएल टेक, टेक महिंद्रा आणि विप्रो यांचे शेअर्स घसरले आहेत.