थायरॉईडची समस्या ही आजकाल महिलांमध्ये मोठ्या प्रमाणावर वाढताना दिसते, विशेषतः वयाच्या ३० वर्षांनंतर. हार्मोनल बदल, पोषणाची कमतरता, तणावपूर्ण जीवनशैली अशा अनेक कारणांमुळे ही समस्या निर्माण होते. योग्य वेळी लक्षणं ओळखून उपचार सुरू केल्यास थायरॉईडवर नियंत्रण मिळवणं शक्य आहे. चला तर जाणून घेऊया की ३० वर्षांनंतर महिलांमध्ये थायरॉईडचा धोका का वाढतो आणि त्यापासून कसे बचाव करता येईल.
१. हार्मोनल बदल:
३० वर्षांनंतर महिलांच्या शरीरात हार्मोनल बदल सुरू होतात. गर्भधारणा, मासिक पाळीतील बदल यामुळे थायरॉईड ग्रंथीवर परिणाम होतो.
२. तणाव आणि जीवनशैली:
कामकाज, घरगुती जबाबदाऱ्या आणि सामाजिक दडपण यामुळे महिलांमध्ये तणाव वाढतो. सततचा तणाव आणि असंतुलित आहारामुळे थायरॉईडचा धोका वाढतो.
३. पोषणाची कमतरता:
आयोडीन, झिंक, सेलेनियम, व्हिटॅमिन डी यांसारख्या पोषक घटकांची कमतरता थायरॉईडच्या कार्यात अडथळा निर्माण करू शकते.
४. कौटुंबिक इतिहास:
घरात कोणाला थायरॉईडचा त्रास असल्यास त्या महिलेला त्याचा धोका अधिक असतो.
सतत थकवा, अशक्तपणा
वजन वाढणं किंवा अचानक घटणं
चिडचिड, नैराश्य, एकाग्रतेचा अभाव
मासिक पाळीतील अनियमितता, अधिक रक्तस्राव
केस गळणे, त्वचा कोरडी होणे
पचनाचा त्रास, वारंवार बद्धकोष्ठता
झोप न लागणे किंवा सतत झोप येणे
आवाजात बदल, घसा बसल्यासारखं वाटणं
१. पोषणयुक्त आहार:
आयोडीनयुक्त मीठ, दूध, दही, अंडी, हिरव्या भाज्या, फळं, संपूर्ण धान्ये खा. झिंक, सेलेनियम, व्हिटॅमिन डी युक्त पदार्थ आहारात घ्या.
२. तणाव नियंत्रण:
योग, ध्यान, प्राणायाम यामुळे तणाव कमी होतो आणि थायरॉईड नियंत्रणात राहतो. पुरेशी झोप घ्या.
३. नियमित व्यायाम:
दररोज चालणं, योगा करणं हे शरीरासाठी फायदेशीर आहे आणि थायरॉईडच्या त्रासावर नियंत्रण मिळवण्यास मदत करतं.
४. धूम्रपान आणि मद्यपान टाळा:
या सवयी थायरॉईडच्या कार्यात अडथळा निर्माण करतात.
५. डॉक्टरांचा सल्ला:
थकवा, वजनातील बदल, पाळीतील गोंधळ अशी लक्षणं दिसल्यास ताबडतोब डॉक्टरांशी संपर्क साधावा. रक्ततपासण्या करून आवश्यक ती औषधं सुरू करावीत.