फळं खाणं हे आरोग्यासाठी अत्यंत लाभदायक मानलं जातं, पण त्यांचे सुद्धा फायद्याचे घटक म्हणजे त्यांची साल. बहुतांश वेळा आपण फळांची साल फेकून देतो, मात्र त्यामध्ये त्वचेसाठी उपयुक्त असे नैसर्गिक घटक, अँटीऑक्सिडंट्स आणि व्हिटॅमिन्स भरपूर प्रमाणात असतात. या साली योग्य पद्धतीने वापरल्या, तर चेहऱ्यावरचा तेलकटपणा, दाग-धब्बे, सुरकुत्या कमी होऊन त्वचा नितळ व उजळ दिसते. खाली पाहा कोणत्या फळांच्या साली सौंदर्य वृद्धीसाठी उपयोगात आणाव्यात.
१. केळ्याची साल:
केळ्याच्या सालीमध्ये पोटॅशियम, व्हिटॅमिन C आणि अँटीऑक्सिडंट्स असतात. ती चेहऱ्यावरील मुरूम, पिंपल्स आणि सुरकुत्यांवर फायदेशीर असते.
२. संत्र्याची साल:
संत्रीत सिट्रिक अॅसिड आणि व्हिटॅमिन C भरपूर असते. यामुळे त्वचेमधील मृत पेशी निघून जातात आणि चेहरा उजळतो.
३. सफरचंदाची साल:
सफरचंदाच्या सालीमध्ये कोलेजन वाढवणारे गुणधर्म असतात. यामुळे त्वचेला घट्टपणा येतो आणि चेहरा तरुण राहतो.
४. लिंबाची साल:
लिंबाच्या सालीत असलेले अॅसिडिक गुणधर्म आणि व्हिटॅमिन C त्वचेवरील काळसर डाग हलके करण्यास मदत करतात.
५. डाळिंबाची साल:
डाळिंबाच्या सालीमध्ये अँटी-एजिंग गुणधर्म असतात. ही साल त्वचेला टाईट करते आणि सुरकुत्या दूर करते.
या साली नैसर्गिक, स्वस्त आणि सुलभ आहेत. तुम्ही केमिकलयुक्त उत्पादने न वापरता नैसर्गिक उपाय शोधत असाल, तर फळांच्या साली एक उत्कृष्ट पर्याय ठरू शकतात. या उपायांनी तुमची त्वचा अधिक उजळ, नितळ आणि निरोगी दिसेल.