बेळगाव : पुढारी वृत्तसेवा: शट्टीहळ्ळी (ता. हुक्केरी) येथील आदित्य आप्पाजी कालकुंद्रे हा कझाकिस्थान येथे होणार्या जिम्नॅस्टिक्स एशियन चॅम्पियनशिप स्पर्धेसाठी भारताकडून प्रतिनिधित्व करणार आहे. त्यामुळे त्याचे सर्वत्र अभिनंदन आणि त्याच्यावर शुभेच्छांचा वर्षाव होत आहे. (Aditya Kalkundre)
अदित्य कालकुंद्रे याने मुंबई येथून जिम्नॅस्टिक्स खेळाला सुरुवात केली. दहावीपर्यंत मुंबई शहरात लहान गटातून तालुका आणि जिल्हा स्तरात प्रतिनिधित्व करत होता. त्यानंतर मंबई मधील एका नामांकित स्पोर्टस अॅकॅडेमीतून सरावाला सुरुवात केली. त्याने आतापर्यंत केरळ, गोवा आणि महाराष्ट्रातील मुंबई, सोलापूर, औरंगाबाद, पुणे, इस्लामपूर, कोल्हापूर येथील जिम्नॅस्टिक्स स्पर्धेत सहभागी होउन त्याने अनेक पदके मिळवली आहेत. (Aditya Kalkundre)
दुर्गम भागातील महाराष्ट्र-कर्नाटक सीमेलगत असणार्या शट्टीहळ्ळी गावातील आदित्य कालकुंद्रे हा जागतिक पातळीवरील स्पर्धेत सहभागी होउन देशाचे प्रतिनिधित्व करत असल्याने अभिमानाची गोष्ट आहे. येत्या काही दिवसांत आदित्य कालकुंद्रे कझाकिस्थान येथे होणार्या जिम्नॅस्टिक्स एशियन चॅम्पियनशिप स्पर्धेसाठी भारताकडून प्रतिनिधित्व करणार आहे.
अहमदनगर येथे झालेल्या जिम्नॅस्टिक्स स्पर्धेत यश मिळविल्यानंतर त्याची कझाकिस्थान येथे निवड झाली आहे. त्याला अशिस सावंत, राहुल तायडे, जयश्री बामणे, मोहन बामणे, वडिल आप्पाजी कालकुंद्रे यांचे मार्गदर्शन लाभले.
हेही वाचा