पुढारी ऑनलाईन डेस्क : आंध्र प्रदेशातील विजयनगरम जिल्ह्यात दोन रेल्वे गाड्यांची धडक रविवारी (दि.२९) रात्री झाली. या भीषण अपघातातातील मृतांचा आकडा १३ वर गेला आहे. विभागीय रेल्वे व्यवस्थापकांनी सांगितले की, विशाखापट्टणम-पलासा आणि विशाखापट्टणम-रायगड या दोन रेल्वेंमध्ये धडक झाली. विजयनगरम एसपी दीपिका यांनी सांगितले की, मृत १३ पैकी सात जणांची ओळख पटली आहे. मृतदेहांची ओळख पटवण्याची प्रक्रिया सुरू आहे. (Andhra train accident)
माहितीनुसार, विशाखापट्टणम-पलासा आणि विशाखापट्टणम-रायगड या दोन रेल्वेंमध्ये रविवारी रात्री (दि.२९) धडक झाली. या अपघातात तीन डब्यांचा चक्काचुर झाला. स्थानिक प्रशासन आणि एनडीआरएफकडून बचाव कार्य तात्काळ सुरु केले. ईस्ट कोस्ट रेल्वे झोनच्या एका अधिकाऱ्याने सांगितले की, विशाखापट्टणम-पलासा पॅसेंजर (ट्रेन क्रमांक ०८५३२) विशाखापट्टणम-रायगडा पॅसेंजरला (ट्रेन क्रमांक ०८५०४) धडकली. या घटनेतील मृतांचा आकडा वाढू शकतो.
हेही वाचा