पटेल म्हणाले, पुण्यश्लोक अहिल्यादेवींची महाराष्ट्र ही जन्मभूमी आहे. त्यांच्या नावाने हे वैद्यकीय महाविद्यालय आता ओळखले जाईल. याबद्दल मी मुख्यमंत्री एकनाथ शिंदे, उपमुख्यमंत्री देवेंद्र फडणवीस यांचे अभिनंदन करेन. मी मध्यप्रदेशातील आहे. अहिल्यादेवींची महाराष्ट्र ही जन्मभूमी असली तरी त्यांची कर्मभूमी मध्यप्रदेश आहे. सर्वांना समान न्याय देण्याची त्यांची भूमिका होती. महिला सन्मानासाठी त्यांनी मोठे पाऊल उचलले. न्यायासाठी त्यांनी हातात तलवार घेतली. भगवान शंकरांच्या त्या भक्त होत्या. मुघल साम्राज्याने उद्धवस्त केलेल्या मंदिरांचा जीर्णोद्धार त्यांनी केला. त्यांच्या नावाने हे महाविद्यालय ओळखले जाणे हे भाग्यशाली आहे.
