तेलंगणाच्या मुख्यमंत्री पदाच्या शर्यतीत असलेले रेवंत रेड्डी कोण आहेत?

नवी दिल्ली; पुढारी वृत्तसेवा : तेलंगणा काँग्रेसचे प्रदेशाध्यक्ष असलेले रेवंत रेड्डी हे विद्यमान खासदार आहेत. नुकत्याच पार पडलेल्या विधानसभा निवडणुकीत मुख्यमंत्री आणि भारत राष्ट्र समितीचे अध्यक्ष के सी राव यांचा पराभव केला. मेहबूबनगर मधील कामारेड्डी मतदारसंघातून मुख्यमंत्री के सी राव यांच्या विरोधात निवडणूक लढवणारे रेवंथ रेड्डी हे ५४ वर्षांचे आहेत. अखिल भारतीय विद्यार्थी परिषदेच्या माध्यमातून रेवंत रेड्डी यांनी आपल्या राजकीय कारकिर्दीला सुरुवात केली. काही काळ तेलगू देसम पार्टीतही त्यांनी काम केले. त्यानंतर काँग्रेस प्रवेश करत काँग्रेसला पहिल्यांदा तेलंगणा राज्यात सत्तेपर्यंत पोहोचवले.