नवी दिल्ली : कीबोर्डवरील फक्त F आणि J बटणांवर छोट्या उंचावलेल्या रेषा असतात. यामागे एक खास कारण आहे. चला जाणून घेऊयात यामागचे खरे कारण...
लॅपटॉप असो किंवा डेस्कटॉप, तुम्हाला सर्व मानक कीबोर्डमध्ये या दोन ओळी बघायला मिळतील. हे वैशिष्ट्य ISO आणि ANSI कीबोर्ड डिझाईन मानकांचा भाग आहे. कीबोर्डच्या F आणि J बटणांवरील उंचावलेल्या रेषा फार कमी लोकांना लक्षात येतात. परंतु, त्यांचा उद्देश केवळ डिझाईन हा नसून टायपिंग सोपे आणि जलद करणे हा आहे. हे व्यावसायिक टायपिंगसाठी ‘होम पोझिशन’ सेट करतात. टच टायपिंग, म्हणजेच न पाहता टाईप करणे जे F आणि J बटणांनी सुरू होते. तुमची अंगठ्याच्या बाजूचे बोट (तर्जनी, ळपवशु षळपसशी) यावर ठेवले जाते. या रेषांच्या मदतीने बोटे त्यांच्या योग्य जागी स्थिर राहण्यास मदत होते.
F आणि J बटणे होम रोवर आहेत, जिथून इतर सर्व बटणांपर्यंत सहज पोहोचता येते. म्हणून, ही बटणे बोटांसाठी मार्गदर्शक रेषा म्हणून निवडली गेली. कीबोर्ड बनवणार्या अभियंत्यांनी या छोट्या ओळींद्वारे वापरकर्त्यांना सुलभ अनुभव मिळावा, यासाठी प्रयत्न केले आहेत. हे एक छोटेसे सूचक आहे, जे तुमच्या बोटांना मार्गदर्शन करते. ज्यांना टच टायपिंग येते त्यांच्यासाठी या रेषा खूप उपयुक्त आहेत. हे बोटांना योग्य स्थितीत ठेवतात, ज्यामुळे टायपिंगचा वेग आणि अचूकता वाढते. जर तुम्ही कमी प्रकाशात किंवा अंधारात टाईप करत असाल, तर या उंचावलेल्या रेषा तुम्हाला दिशा देतात. स्क्रीन किंवा कीबोर्डकडे न पाहताही तुम्ही बटण शोधू शकता. जे टायपिंग शिकत आहेत, त्यांच्यासाठी या F आणि J च्या रेषा खूप मदत करतील. यामुळे त्यांना न पाहता टाईप करण्याची सवय लागण्यास मदत होते.
