नवी दिल्ली : अनेक लोक तंदुरुस्ती राखण्यासाठी व्यायाम करतात. मग तो जिममध्ये जाऊन असो, रनिंग, योगासने किंवा इतर कोणताही शारीरिक व्यायाम असो. सोबतच पूरक आहारदेखील तेवढाच महत्त्वाचा असतो. तसेच फळे खाणेदेखील तेवढेच महत्त्वाचे असते. त्यातीलच एक म्हणजे केळी. केळी हे सर्वात जास्त सेवन केले जाणारे फळ आहे. कारण, ते त्वरित ऊर्जा देतात, पोटाला जड वाटत नाहीत आणि शरीराला आवश्यक पोषक तत्त्वे प्रदान करतात. केळीमध्ये कार्बोहायड्रेटस्, पोटॅशियम आणि नैसर्गिक साखरेसह ऊर्जा वाढवणारे घटक असतात; पण अनेकदा हा गोंधळ होतो की, केळी या व्यायामापूर्वी खायला हव्यात की व्यायामानंतर? जाणून घेऊयात.
जेव्हा कोणी नियमितपणे व्यायाम करतो तेव्हा त्याने केळी खावी जेणेकरून त्याची ताकद वाढेल आणि भरपूर ऊर्जा टिकून राहील. व्यायाम सुरू करण्यापूर्वी तीस ते 50 मिनिटे आधी केळी खाणे सर्वोत्तम मानले जाते. यामुळे तुमच्या व्यायामाची तीव—ता आणि क्षमता वाढते, ज्यामुळे तुम्ही पूर्ण जोमाने व्यायाम करू शकता. केळीमध्ये असलेले ग्लुकोज, फ्रुक्टोज, पोटॅशियम आणि फायबरसारखे पोषक घटक शारीरिक तंदुरुस्तीसाठी आवश्यक आहेत. ते स्नायूंच्या कॅ्रम्पपासून आराम देतात आणि स्टॅमिना वाढवतात.
जर तुम्ही जास्त व्यायाम केला असेल किंवा कसरत केली असेल, तर स्नायूंच्या आरोग्यासाठीही केळी हे सर्वात प्रभावी अन्न आहे. केळीमध्ये भरपूर फायबर असते, जे कसरत केल्यानंतर त्वरित ऊर्जा प्रदान करते. ते शरीराला आवश्यक कार्बोहायड्रेटस् प्रदान करून स्नायूंच्या बळकटीसदेखील मदत करतात. जर तुम्हाला कसरत केल्यानंतर हाडांमध्ये वेदना होत असतील, तर केळीमधील मॅग्नेशियम आणि पोटॅशियम त्या वेदना कमी करण्यास मदत करू शकतात. शिवाय, जर तुम्हाला कसरत करताना सूज येत असेल, तर केळीदेखील ती लवकर कमी करू शकतात. केळीमध्ये कार्बोहायड्रेटस् भरपूर असतात. केळी खाल्ल्याने आणि व्यायामानंतर ते खाल्ल्याने शरीराला प्रथिने चांगल्या प्रकारे शोषण्यास मदत होते. प्रथिने स्नायूंच्या वाढीला गती देतात, ज्यामुळे शरीर मजबूत होण्यास मदत मिळते.
