वॉशिंग्टन : अंतराळाच्या अफाट पसार्यात अनेक अनोखे ग्रह आहेत. कुठे मिथेनचे महासागर आहेत, तर कुठे हिर्यांचा पाऊस पडतो. आता अशा एका ग्रहाचा शोध लागला आहे, ज्यामधून चक्क सडलेल्या अंड्यासारखा वास येतो. अर्थातच हा वास हायड्रोजन सल्फाईडचा असून, हा वायू या ग्रहाच्या वातावरणात आहे.
जॉन्स हॉपकिन्स युनिव्हर्सिटीच्या संशोधकांनी याबाबतचे संशोधन केले आहे. या ग्रहाचे नाव ‘एचडी 189733 बी’ असे आहे. त्याच्या वातावरणात हायड्रोजन सल्फाईड आहे. हे तेच आम्ल आहे, ज्याचा वास कुजलेल्या अंड्यासारखा येतो. शास्त्रज्ञांचा निष्कर्ष ‘नेचर मॅगझीन’मध्ये प्रकाशित करण्यात आला आहे. या ग्रहावर गेली अनेक वर्षे वैज्ञानिक संशोधन करत आहेत. त्यामधून आणखी काही माहितीदेखील या ग्रहाबाबत मिळाली आहे. हा पृथ्वीपासून 64 प्रकाशवर्षे दूर आहे आणि विपरीत वातावरणामुळे हा जास्त प्रसिद्ध आहे. हा ग्रह त्याच्या तार्याच्या अतिशय जवळून परिभ्रमण करतो. पृथ्वीवरील दोन दिवस म्हणजे या ग्रहावरील एक वर्ष होय. कारण इतकाच वेळ या ग्रहाला त्याच्या तार्याभोवती एक चक्र पूर्ण करण्यासाठी लागतो. तार्याच्या खूप जवळ असल्यामुळे या ग्रहाचे तापमान 1700 डिग्री फॅरेनहाईट म्हणजे जवळपास 927 अंश सेल्सिअस इतके आहे. इथे 8047 किलोमीटर अशा प्रचंड वेगाने वारे वाहतात आणि काचेचा वर्षाव होतो. म्हणजे इथे पाण्याच्या ऐवजी काचेचा पाऊस पडतो. त्यामुळे हा एक नक्कीच विचित्र ग्रह आहे आणि म्हणूनच शास्त्रज्ञ या ग्रहाचा जवळून आभास करत आहेत. अंतराळात असेलल्या सर्वात मोठ्या अब्जार्व्हेटरी जेम्स वेब स्पेस टेलिस्कोपच्या मदतीनं वैज्ञानिकांना या ग्रहाबाबत जास्त माहिती मिळाली आहे. जेम्स वेबद्वारे मिळालेल्या या डेटाच्या मदतीने शास्त्रज्ञांना ग्रहावर हायड्रोजन सल्फाईडची माहिती मिळाली आहे. त्यांना ग्रहावर ऑक्सिजन आणि कार्बन सोर्सेजचीही माहिती मिळाली आहे.
