नवी दिल्ली : दिवसाची सुरुवात करण्यासाठी पोषक घटकांनी युक्त दही हा एक उत्तम पर्याय आहे. विशेषतः, सकाळी रिकाम्या पोटी दह्याचे सेवन लाभदायक ठरते, असे आहारतज्ज्ञ सांगतात. प्रोबायोटिक्स, जीवनसत्त्वे व खनिजे यांनी युक्त असलेले दही आतड्यांचे आरोग्य सुधारण्यासाठी, रोगप्रतिकार शक्ती वाढवण्यासाठी आणि कॅल्शियम व प्रथिने यांसारखे आवश्यक पोषक घटक मिळवून देण्यासाठी प्रसिद्ध आहे.
प्रोबायोटिक्सने समृद्ध दही हा प्रोबायोटिक्सचे नैसर्गिक स्रोत आहे. प्रोबायोटिक्स म्हणजे आपल्या आरोग्यासाठी हातभार लावणारे चांगले जीवाणू. जीवाणू म्हटलं की, ऐकायला थोडंसं विचित्र वाटतं खरं; पण आपल्या पोटात असे ‘चांगले’ जीवाणू असणं गरजेचं असतं. ते आपल्या पचनासाठी मदत करतात आणि आवश्यकही असतात. जे पचन सुधारून आतड्याच्या आरोग्यास प्रोत्साहन देतात. रिकाम्या पोटी दही खाल्ल्यानं पचनसंस्था दिवसभरासाठी तयार होण्यास मदत होते. प्रोबायोटिक्सदेखील पोषक शोषण वाढवतात, पोट फुगणं कमी करतात आणि नियमित आतड्याच्या हालचालींना समर्थन देतात. सकाळी रिकाम्या पोटी दही खाल्ल्याने कॅल्शियम, प्रथिने आणि ब जीवनसत्त्वे यांसारख्या आवश्यक पोषक घटकांचा शरीराला पुरवठा होतो. हे पोषक घटक ऊर्जा देतात आणि हाडांचे आरोग्य व स्नायुबल वाढवण्यासाठी मदत करतात.
