नवी दिल्ली : आवळा, ज्याला ‘भारतीय गुसबेरी’ असेही म्हटले जाते. तो हिवाळ्यात शरीराची प्रतिकारशक्ती मजबूत करण्यात आणि फुफ्फुसांना निरोगी ठेवण्यासाठी महत्त्वपूर्ण भूमिका बजावतो, असे तज्ज्ञ सांगतात. यामध्ये असलेले व्हिटॅमिन सी, अँटिऑक्सिडंटिस् आणि इतर पोषक घटक फुफ्फुसांचे रक्षण करतात आणि थंडीमध्ये श्वसनाच्या समस्या टाळतात. आवळ्याचे अनेक आरोग्य फायदे आहेत.
आवळ्यामध्ये व्हिटॅमिन सी भरपूर प्रमाणात असते, ज्यामुळे शरीराची रोगप्रतिकारक शक्ती मजबूत होते. आवळ्याच्या नियमित सेवनाने फुफ्फुसाची क्षमता वाढते आणि दम्यासारख्या समस्यांपासून बचाव होतो. यामध्ये असलेले अँटिऑक्सिडंटस् शरीराला फ्री रॅडिकल्समुळे होणार्या नुकसानापासून वाचवतात. आवळा शरीरातील विषारी पदार्थ काढून टाकण्यास मदत करतो. मात्र, आवळ्याचे मर्यादित प्रमाणात सेवन करावे. कारण, जास्त प्रमाणात सेवन केल्याने आम्लपित्त होऊ शकते. कोणतीही अॅलर्जी किंवा आरोग्य समस्या असल्यास, डॉक्टरांचा सल्ला घ्यावा, असे तज्ज्ञ सांगतात. आवळा हिवाळ्यात फुफ्फुसांच्या आरोग्यासाठी वरदान आहे. याचे नियमित सेवन केल्याने केवळ श्वसनाच्या समस्या टळतात असे नाही, तर प्रतिकारशक्तीही वाढते. आवळ्याचे सेवन वेगवेगळ्या प्रकाराने करता येते. त्यामध्ये आवळ्याचा रस, मुरब्बा, पावडर, लोणचे तसेच मुलांना आवडणार्या आवळा कँडीचाही समावेश आहे.
