नागपूर : पुढारी वृत्तसेवा
मुंबईत झालेल्या रेल्वे साखळी बॉम्बस्फोट प्रकरणात फाशीची शिक्षा सुनावलेल्या कमाल अहमद मोहम्मद वकील अन्सारी या आरोपीचा नागपूरच्या कारागृहात सोमवारी (दि १९)मृत्यू झाला. मुंबईत २००६ मध्ये झालेल्या साखळी बॉम्बस्फोटाच्या कटात कमाल अंसारी सहभागी होता.
अधिक वाचा : कोरोना निगेटिव्ह रिपोर्ट देणाऱ्या रॅकेटचा पर्दाफाश
काही दिवसांपूर्वी कमाल अंसारी याला कोरोनाची लागण झाली होती. त्याला शासकीय वैद्यकीय महाविद्यालयात दाखल केले होते. उपचार सुरु असताना सोमवारी त्याचा मृत्यू झाला. कमाल अहमद हा मूळ बिहारचा रहिवासी होता.
२०१५ मध्ये कमाल अंसारी नागपूर कारागृहात रवानगी
मुंबईत २००६ मध्ये लोकल रेल्वेत झालेल्या साखळी बॉम्बस्फोटप्रकरणात कमालसह अन्य आरोपींना फाशीची शिक्षा सुनावण्यात आली होती. २०१५ मध्ये कमालची रवानगी नागपूर कारागृहात करण्यात आली. त्याला विशेष सेलमध्ये ठेवण्यात आले होते. ८ एप्रिल रोजी कारागृह प्रशासनाने कैद्यांची कोरोना चाचणी करण्यात आली होती. कमालसह आठ जण पॉझिटिव्ह होते. कारागृह प्रशासनाने त्याला मेडिकल कॉलेज हॉस्पिटलमध्ये दाखल केले होते. मात्र उपचारादरम्यान सोमवारी त्याचा मृत्यू झाला. या प्रकरणी धंतोली पोलिसांनी आकस्मिक मृत्यूची नोंद केली आहे.
अधिक वाचा : आयपीएलःचौथा झेल घेतला..डान्स करत फोन केला
