पुढारी ऑनलाईन डेस्क
ब्रेकअप झाल्यानंतरच्या अनेक विचित्र घटना आपण ऐकल्या, पाहिल्या असतील. ब्रेकअपनंतर कुणी डिप्रेशनमध्ये जातं, तर कुणी निराश राहतं तर कुणी दुसऱ्या जोडीदारांचा शोध घेतात. तर अनेकजण यातून सावरण्यासाठी प्रयत्न करत राहतात. पण, ब्रेकअपनंतर लोक आजारी पडतात का?
असं म्हणतात की, प्रेम हे ब्रेकअपनंतर वेदनादायी असतं. काही जण तर भावूक होऊन त्यातून बाहेर पडतंच नाहीत. कारण, ज्याच्यावर आपण भरभरून प्रेम केलेलं असतं, तिचं व्यक्ती शेवटी दु:ख देते. या भावनिक वेदना आपल्या मेंदूच्या पलीकडच्या असतात. येथे कुणाचे काही चालत नाही. आपलं मनदेखील हे स्वीकारायला तयार नसतं, की खरचं आपलं ब्रेकअप झालं आहे.
पण, ब्रेकअपच्या जाळ्यातून आपण बाहेर पडलो नाहीच तर? पुढे काय?
यावर अनेक संशोधने झाली आहेत. संशोधक म्हणतात की, ब्रेकअपनंतर आपली रोगप्रतिकारक शक्ती कमी होऊ शकते. आणि याचा फटका आपल्या आरोग्याला बसू शकतो आणि आपण आजारीदेखील पडू शकतो.
ओहियो स्टेट युनिव्हर्सिटीतील प्रा. मानसशास्त्रज्ञ जेनिस कीकोल्ट-ग्लेसर म्हणतात की, एका पार्टनरशी तुमचे नाते तुटल्यानंतर लोक एकटे पडतात.
काळानुसार, भावनिक जखमा भरून निघतील. हे परंतु, तो आपल्या एक्सच्या विचारांशी किती जोडला आहे, यावर अवलंबून आहे. त्यांच्या संशोधनानुसार, किकॉल्ट-ग्लेझरला आढळले आहे की, हरवलेल्या प्रेमामुळे त्या व्यक्तीला क्रोध येऊ शकतो. पण, दुसऱ्या एका केसमध्ये ते एकटे पडू शकतात, तणावात जाऊ शकतात आणि आत्मविश्वास कमी होऊ शकतो. हे सर्व रोगप्रतिकारक कार्यावर परिणाम करू शकतो.
तणाव हार्मोन (स्ट्रेस हार्मोन्स) एक गुन्हेगारासारखे आहेत. आपल्या रोगप्रतिकारक यंत्रणेच्या पेशींमध्ये रिसेप्टर्स असतात जे तणाव, नैराश्य आणि इतर ब्रेकअप-
प्रेरित भावनिक प्रतिसादाशी संबंधित अनेक भिन्न संप्रेरकांवर प्रतिक्रिया देतात. जर ब्रेकअप झाल्यामुळे आठवड्यातून किंवा काही महिन्यांपर्यंत ताणतणावाचे संप्रेरक वाढत राहिले तर ते आरोग्यास हानिकारक ठरू शकते. आजारपणास कारणीभूत असणाऱ्या रोगजनकांपासून आपल्या शरिराचे संरक्षण कमी होण्याची शक्यता असते.
मानसिक तणावाबद्दल ॲरिझोना युनिर्व्हसिटीचे मानसशास्त्राचे प्रा. डेविड स्ब्रा म्हणतात, तुमचा ताण जितके काळ अधिक असू शकते आणि तुमच्या दु:खदायक भावना
कायम राहिल्यास तुमच्या रोगप्रतिकारक शक्तीला जितका मोठा धक्का बसू शकतो. संशोधनानुसार, तुम्ही आणि तुमचा पार्टनर खूप जवळ असता. जेव्हा तुमचा पार्टनर तुमच्यापासून दूर गेला तर त्याच्या गैरहजेरीत तुमच्या झोपेवर, भूकेवर, तापमानाचे नियमन यावर परिणाम होऊ शकते.
दुसरीकडे, तुमचे रिलेशनशीपचे हॅप्पी एन्डिंग
झाले असेल तर तुमच्या तुमच्या रोगप्रतिकारक कार्यावर नकारात्मक परिणाम होण्याची शक्यता नसते. तुम्हाला या सर्व ब्रेकअप, दु:खापासून स्वत:चे संरक्षण करण्यासाठी, तुम्ही ब्रेकअपच्या दु:खातून बाहेर पडण्याचा प्रयत्न करा आणि जवळचे मित्र आणि परिवाराशी जोडण्याचा प्रयत्न करा, असे स्ब्रा यांनी नमूद केले.
योग्य आहार घेणे, व्यायाम करणे आणि दारू टाळणे हेदेखील आपली रोगप्रतिकारक शक्ती वाढविण्यासाठी मदतशीर ठरू शकते. तुम्ही पार्टनरपासून वेगळे झाल्यानंतर
तुम्हाला मानसिकदृष्ट्या चांगले राहण्यास मदत होऊ शकते.
तुम्ही तुमच्या पार्टनरला भेटण्याआधी जर कराओके गात असाल, सी-फूड शिजवत असाल तर त्या गोष्टी तुम्ही ब्रेकअपनंतर पुन्हा सुरू करा,
असे ग्रेस लार्सन (रिसर्चर ॲण्ड ग्रॅज्युएट स्टुडंट इन सायकॉलॉजी, नॉर्थ वेस्टर्न युनिव्हर्सिटी) यांनी शिफारस केली आहे. आमच्या अभ्यासात आढळले आहे की, लोकांनी या गोष्टी मान्य केल्या आहेत, असेही त्या म्हणाल्या.
कुठलेही जवळचे नाते संपवणे कठीण आहे, दु:खदायक आहे. परंतु, जितकं तुम्ही त्यातून बाहेर पडण्याचा प्रयत्न कराल, मित्रांसोबत राहाल, तितक्या लवकर तुमची रोगप्रतिकारशक्ती परत येईल.
