गिमवी (गुहागर ) : प्रतिनिधी
मुंबई-गोवा महामार्गावर लोणेरे येथे पहाटे दोन ट्रकची सामोरा समोर धडक होऊन झालेल्या भीषण अपघातात ४ जण जागीच ठार झाले. तर पाठीमागून येणारा मोटारसायकलस्वार ट्रकाला धडकल्यामुळे त्याचाही जागीच मृत्यू झाला.
या तिहेरी अपघातात एकूण ५ जण ठार झाले आहेत. आज पहाटे ५.३० वाजण्याच्या सुमारास हा भीषण अपघात घडला. जोराची धडक बसल्यामुळे ट्रकांनी पेट घेतला आहे.
दोन्ही ट्रकात मिळून ४ जण होते अशी प्राथमिक माहिती आहे. ते जागीच ठार झाले असून ट्रकातील मृतांचा आकडा वाढण्याची शक्यता आहे. या भीषण अपघातामुळे महामार्गावर पहाटे काही काळ वाहतूक ठप्प झाली होती.
