223 धावसंख्येवर भारताला चौथा धक्का बसला. शाहीन आफ्रिदीने हार्दिक पांड्याला यष्टीरक्षक रिझवानकडून झेलबाद केले. त्याला फक्त आठ धावा करता आल्या.
214 धावसंख्येवर भारताला तिसरा धक्का बसला. खुशदिल शाहने श्रेयस अय्यरला इमामकरवी झेलबाद केले. तो 67 चेंडूत पाच चौकार आणि एका षटकाराच्या मदतीने 56 धावा काढून बाद झाला. श्रेयसने कोहलीसोबत 114 धावांची भागीदारी केली.
भारतीय संघाने 36 षटकांत 2 गडी गमावून 200 धावा केल्या. यावेळी विराट कोहली 81 धावांसह आणि श्रेयस अय्यर 50 धावांवर खेळत होते.
श्रेयस अय्यरने 63 चेंडूत 4 चौकार आणि एका षटकाराच्या मदतीने 50 धावा पूर्ण केल्या.
श्रेयस अय्यर आणि विराट कोहली यांनी 35 व्या षटकाअखेर शानदार फलंदाजी केली. दोन्ही खेळाडूंना धावा काढण्यात कोणतीही अडचण आली नाही. भारतीय संघाने 35 षटकांत 2 गडी गमावून 189 धावा केल्या.
कोहलीने त्याच्या एकदिवसीय कारकिर्दीतील 74 वे अर्धशतक 62 चेंडूत पूर्ण केले. त्याने चौकार मारून आपले अर्धशतक पूर्ण केले.
भारताला 18 व्या षटकात 100 धावसंख्येवर दुसरा धक्का बसला. फिरकी गोलंदाज अबरार अहमदने शुभमन गिलला क्लीन बोल्ड केले. गिल तो 52 चेंडूत 7 चौकारांसह 46 धावा करू शकला. त्याचे अर्धशतक हुकले. 18 षटकांनंतर भारताची धावसंख्या 2 बाद 102 होती.
कोहलीने एकदिवसीय क्रिकेटमध्ये 14 हजार धावा पूर्ण केल्या. तो हा टप्पा गाठणारा जगातील सर्वात वेगवान फलंदाज आहे. कोहलीने 287 एकदिवसीय डावांमध्ये 14 हजार धावा पूर्ण केल्या. या बाबतीत कोहलीने तेंडुलकरला मागे टाकले. तेंडुलकरने 350 डावांमध्ये ही कामगिरी केली होती.
11 षटकांनंतर भारताने एक विकेट गमावून 67 धावा केल्या होत्या. यावेळी गिल 35 धावांवर खेळताना त्याला हरिस रौफच्या षटकात जीवदान मिळाले. खुशदिल शाहने गिलचा झेल सोडला.
भारताला पहिला धक्का पाचव्या षटकात 31 धावांवर बसला. शाहीन आफ्रिदीने पुन्हा एकदा रोहितला फुलर लेन्थ बॉलवर क्लीन बोल्ड केले. 2021 च्या टी-20 विश्वचषकात शाहीनने रोहितला ज्या चेंडूवर बाद केले होते तोच चेंडू होता. सध्या
भारतीय डाव सुरू झाला आहे. कर्णधार रोहित शर्मा आणि उपकर्णधार शुभमन गिल क्रीजवर आहेत. पाकिस्तानने भारतासमोर 242 धावांचे लक्ष्य ठेवले आहे. या दोघांनाही भारताला चांगली सुरुवात द्यावी लागेल. पाकिस्तानकडून पहिला षटक शाहीन आफ्रिदीने टाकले. त्याने फक्त दोन धावा दिल्या.
चॅम्पियन्स ट्रॉफीमध्ये पाकिस्तानने भारतीय संघाविरुद्ध प्रथम फलंदाजी करताना सर्व विकेट गमावून 241 धावा केल्या. दुबईमध्ये खेळल्या जात असलेल्या या सामन्यात पाकिस्तानकडून शौद शकीलने सर्वाधिक 62 धावा केल्या. त्याच्याशिवाय मोहम्मद रिझवानने 46 धावांचे योगदान दिले. भारताकडून कुलदीपने सर्वाधिक तीन आणि हार्दिक पंड्याने दोन विकेट घेतल्या.
नाणेफेक जिंकून प्रथम फलंदाजी केल्यानंतर पाकिस्तान संघ 49.4 षटकांत 241 धावांवर ऑलआउट झाला. भारताने सलग पाचव्या एकदिवसीय सामन्यात प्रतिस्पर्ध्यांना 50 षटकांच्या आत बाद केले. हर्षित राणाने खुशदिल शाहला कोहलीकडून झेलबाद केले आणि पाकिस्तानचा डाव संपुष्टात आणला. खुसदिलने 39 चेंडूत दोन षटकारांसह 38 धावांची खेळी केली.
पाकिस्तानला पहिला धक्का 41 धावांवर बसला. डावाची सुरुवात करण्यासाठी आलेला बाबर आझम 26 चेंडूत 23 धावा काढून बाद झाला. त्यानंतर इमाम उल हक 26 चेंडूत 10 धावा काढून धावबाद झाला. पाकिस्तानने 47 धावांत 2 विकेट गमावल्या.
रिझवान-शकीलची शतकी भागीदारी
पहिल्या दोन विकेट लवकर गमावल्यानंतर, कर्णधार रिझवानने शकीलच्या साथीने तिसऱ्या विकेटसाठी 144 चेंडूत 104 धावांची भागीदारी केली. रिझवान त्याच्या एकदिवसीय कारकिर्दीतील 16 वे अर्धशतक हुकला. त्याने 77 चेंडूत 3 चौकारांसह 46 धावांची खेळी केली. रिझवानची विकेट अक्षर पटेलने घेतली.
शकीलचे अर्धशतक
शकीलने 76 चेंडूंचा सामना केला आणि 62 धावा केल्या. त्याच्या बॅटमधून 5 चौकार आले. हे त्याचे एकदिवसीय कारकिर्दीतील चौथे अर्धशतक होते. त्याला हार्दिक पांड्याने बाद केले.
कुलदीपची शानदार गोलंदाजी
कुलदीपच्या उत्कृष्ट गोलंदाजीमुळे पाकिस्तानचा डाव डळमळीत झाला. त्याने 9 षटकांत 40 धावा देत 3 विकेट्स घेतल्या. त्याने सलमान आगा (19), शाहीन आफ्रिदी (0) आणि नसीम शाह (14) यांचे बळी घेतले. यादरम्यान, कुलदीपने आंतरराष्ट्रीय क्रिकेटमध्ये 300 विकेट्सही पूर्ण केल्या.
पंड्याचे आंतरराष्ट्रीय कारकिर्दीत 200 बळी पूर्ण
पंड्याने आंतरराष्ट्रीय कारकिर्दीत 200 बळी पूर्ण केले. शकील हा त्याच्या 200 वा बळी ठरला. त्याने या सामन्यात 8 षटके गोलंदाजी केली आणि 3.90 च्या इकॉनॉमी रेटने 31 धावा देत 2 बळी घेतले. पंड्याने 2016 मध्ये आंतरराष्ट्रीय क्रिकेटमध्ये पदार्पण केले. त्याने आतापर्यंत 216 सामने खेळले आहेत, ज्यामध्ये त्याने सुमारे 30 च्या सरासरीने 200 विकेट्स घेतल्या आहेत.
फिरकी गोलंदाज कुलदीप यादवने पाकिस्तानला 222 धावांच्या खेळीत आठवा धक्का दिला. कुलदीपच्या चेंडूवर नसीम शाहने शॉट खेळण्याचा प्रयत्न केला, पण कोहलीने तो झेलला आणि त्याला पॅव्हेलियनमध्ये पाठवले. नसीम 16 चेंडूत 1 चौकारासह 14 धावा काढून बाद झाला.
43 षटकांत सात विकेट गमावून पाकिस्तानने 200 धावा केल्या. सध्या नसीम शाह आणि खुशदिल शाह क्रीजवर आहेत. 43 व्या षटकात कुलदीप यादवची फिरकी जादू कामी आली. त्याने षटकात सलग दोन चेंडूंवर दोन विकेट घेतल्या. षटकाच्या चौथ्या चेंडूवर कुलदीपने सलमान आगाला जडेजाकरवी झेलबाद केले. त्याला फक्त 19 धावा करता आल्या. यानंतर, पुढच्याच चेंडूवर शाहीन आफ्रिदी एलबीडब्ल्यू झाला. तो खाते उघडू शकला नाही.
तय्यब ताहिरला रवींद्र जडेजाने बोल्ड केले. त्याने 4 धावा केल्या.
हार्दिक पंड्याने 35 व्या षटकात पाकिस्तानला पाचवा धक्का दिला. त्याने स्थिरावलेल्या सौद शकीलला अक्षर पटेलकरवी झेलबाद केले. शकीलने 76 चेंडूत पाच चौकारांसह 62 धावांची खेळी केली. 35 षटकांनंतर पाकिस्तानने 4 बाद 160 धावा केल्या आहेत.
34 व्या षटकात 151 धावसंख्येवर असताना पाकिस्तानला तिसरा धक्का बसला. अक्षर पटेलने पाकिस्तानी कर्णधार मोहम्मद रिझवानला क्लीन बोल्ड केले. तो 77 चेंडूत 3 चौकारांच्या मदतीने फक्त 46 धावा करू शकला. रिझवानने शकीलसोबत 104 धावांची भागीदारी केली. यासह अक्षरने हर्षित राणालाही वाचवले. एक चेंडू आधी, हर्षितने हार्दिक पंड्याच्या गोलंदाजीवर रिझवानचा झेल सोडला होता. अक्षरला 34 व्या षटकात आणखी एक विकेट मिळाली असती पण कुलदीपने शकीलचा कॅच डीप मिड-विकेटवर सोडला. 34 षटकांनंतर पाकिस्तानची धावसंख्या 3 बाद 154 होती.
हार्दिक पंड्याच्या गोलंदाजीवर हर्षित राणाने मोहम्मद रिझवानचा झेल सोडला. यावेळी शकील 57 आणि रिझवान 46 धावांवर खेळत होते. दोघांमध्ये 143 चेंडूत 104 धावांची भागीदारी झाली होती.
मोहम्मद रिझवान आणि सौद शकील यांनी 141 चेंडूत 101 धावांची भागीदारी केली.
31 षटकांनंतर पाकिस्तानने दोन विकेट गमावून 137 धावा केल्या. सौद शकीलने अर्धशतक पूर्ण केले. त्याने 63 चेंडूत 4 चौकारांसह 50 धावा केल्या.
पाकिस्तानने 26 षटकांत दोन विकेट गमावल्यानंतर 107 धावा केल्या. यावेळी सौद शकील 37 धावांसह आणि कर्णधार मोहम्मद रिझवान 24 धावांवर खेळत होते. दोघांमध्ये 60 धावांची भागीदारी झाली.
पाकिस्तानला डावाच्या 10 व्या षटकात दुसरा धक्का बसला. अक्षर पटेलच्या थेट हिटवर इमाम उल हक धावचीत झाला. इमाम 26 चेंडूत फक्त 10 धावा करू शकला. पाकिस्तानने सलग दुसऱ्या षटकात विकेट गमावली आहे. त्याआधी नवव्या षटकात हार्दिकने बाबरला यष्टीरक्षक राहुलकडून झेलबाद केले. त्याला फक्त 23 धावा करता आल्या.
डावाच्या नवव्या षटकात ४१ धावांवर पाकिस्तानला पहिला धक्का बसला. हार्दिक पंड्याच्या षटकाच्या पहिल्याच चेंडूवर बाबरने चौकार मारला. पुढच्याच चेंडूवर हार्दिकने बाबरला यष्टीरक्षकाकरवी झेलबाद केले आणि पॅव्हेलियनमध्ये पाठवले. बाबरने २६ चेंडूत पाच चौकारांसह २३ धावा केल्या. सध्या इमाम उल हक आणि सौद शकील क्रीजवर आहेत.
सात षटकांनंतर पाकिस्तानने एकही विकेट न गमावता ३१ धावा केल्या. बाबर १४ धावांसह आणि इमाम नऊ धावांसह खेळत आहेत. शमीच्या पायाला दुखापत झाली आहे आणि तो मैदानाबाहेर गेला आहे.
भारत आणि पाकिस्तानमधील महामुकाबला सुरू झाली आहे. फखर जमानची जागा घेणारा इमाम-उल-हक आणि बाबर आझम हे क्रीजवर आहेत. शमी पहिला षटक टाकत आहे. त्याने पहिल्या षटकात पाच वाईड आणि एकूण ११ चेंडू टाकले. याशिवाय, इमामने एक धाव घेतली. पहिल्या षटकानंतर पाकिस्तानने एकही विकेट न गमावता ६ धावा केल्या आहेत.
भारत: रोहित शर्मा (कर्णधार), शुभमन गिल, विराट कोहली, श्रेयस अय्यर, अक्षर पटेल, केएल राहुल (यष्टीरक्षक), हार्दिक पंड्या, रवींद्र जडेजा, कुलदीप यादव, हर्षित राणा, मोहम्मद शमी.
पाकिस्तान: इमाम-उल-हक, बाबर आझम, सौद शकील, मोहम्मद रिझवान (यष्टीरक्षक/कर्णधार), सलमान आघा, तय्यब ताहिर, खुशदिल शाह, शाहीन आफ्रिदी, नसीम शाह, हरिस रौफ, अबरार अहमद.
पुढारी ऑनलाईन डेस्क : चॅम्पियन्स ट्रॉफीमध्ये भारतीय संघाचा दिग्गज खेळाडू विराट कोहलीने पाकिस्तान क्रिकेट संघाविरुद्ध एक शानदार शतकी खेळी (100*) खेळली. विजयासाठी 242 धावांचे लक्ष्य गाठताना कोहलीने ही खेळी साकारली. दुबई आंतरराष्ट्रीय स्टेडियमवर तिसऱ्या क्रमांकावर फलंदाजी करताना त्याने पाकिस्तानी गोलंदाजांचा धाडसी सामना केला आणि टीम इंडियाला 6 विकेट्सने विजय मिळवून दिला.
भारताविरुद्धच्या मोठ्या सामन्यात पाकिस्तानने नाणेफेक जिंकून प्रथम फलंदाजी करण्याचा निर्णय घेतला. पाकिस्तानचा कर्णधार रिझवानने प्लेइंग-११ मध्ये एक बदल केला आहे. दुखापतग्रस्त फखर जमानच्या जागी इमाम उल हक खेळत आहे. त्याच वेळी, भारतीय कर्णधार रोहितने प्लेइंग-११ मध्ये कोणतेही बदल केलेले नाहीत. रोहित म्हणाला की नाणेफेक जिंकल्यानंतर तो प्रथम गोलंदाजी करण्याचा निर्णय घेणार होता. त्यामुळे नाणेफेक गमावल्यामुळे त्यांना नुकसान सहन करावे लागले आहे.
आयसीसी एकदिवसीय स्पर्धांमध्ये दोन्ही संघांच्या विक्रम बघितले तर एकूण १३ सामने खेळले गेले आहेत. यापैकी भारताने १० सामने जिंकले आहेत आणि पाकिस्तानने तीन सामने जिंकले आहेत. २०२३ मध्ये आयसीसी एकदिवसीय स्पर्धेत हे दोघे शेवटचे एकमेकांसमोर आले होते. त्यानंतर एकदिवसीय विश्वचषक सामन्यात भारताने पाकिस्तानला सात विकेट्सने पराभूत केले होते.
भारत आणि पाकिस्तान संघाने एकमेकांविरुद्ध शेवटचा एकदिवसीय सामना 2023 च्या एकदिवसीय विश्वचषकामध्ये खेळला होता. आता हे दोन्ही संघ तब्बल ४९७ दिवसानंतर म्हणजेच १ वर्ष ४ महिन्यानंतर आमने-सामने असणार आहेत. तर शेवटी झालेल्या सामन्यामध्ये भारतीय संघाने पाकिस्तान संघावर ७ गडी राखून विजय मिळवला होता.
भारत आणि पाकिस्तान यांच्यात एकदिवसीय क्रिकेटमध्ये आतापर्यंत एकूण १३५ सामने खेळले गेले आहेत. यापैकी टीम इंडियाने ५७ सामने आणि पाकिस्तानने ७३ सामने जिंकण्यात यश मिळवले आहे. तर पाच सामन्यांमध्ये निकाल लागला नाही. तर एकदिवसीय क्रिकेटमध्ये दोघांमध्ये एकही सामना बरोबरीत सुटलेला नाही.
