मुंबई : पुढारी ऑनलाईन
नुकतेच ६७ वा राष्ट्रीय पुरस्कार घोषित करण्यात आले आहेत. त्यात 'जक्कल' या मराठी माहितीपटाला राष्ट्रीय पुरस्कार मिळाला आहे. 'सर्वोत्कृष्ट इन्वेस्टगेटिव्ह चित्रपट' या नामांकनाअंतर्गत हा पुरस्कार मिळाला असून याचे दिग्दर्शन विवेक वाघ यांनी केले आहे.
वाचा -'द ताश्कंद फाइल्स'साठी मराठमोळ्या पल्लवी जोशीला राष्ट्रीय पुरस्कार
दहा निरपराध लोकांच्या खुनाची मालिका पुणे शहराने अनुभवली. आणीबाणीच्या कालखंडातील या हत्याकांडांमुळे संपूर्ण पुणे शहर वेठीला धरले गेले होते. हे हत्याकांड घडवून आणणाऱ्यांचा प्रमुख राजेंद्र यलाप्पा जक्कल हा होता. ह्या सगळ्या घटनेचा, जक्कल वृत्तीचा, गुन्ह्याच्या तपासाचा, कायद्याचा असा मागोवा ह्या महितीपटामधून घेण्यात आलेला आहे. लवकरच या माहितीपटावर आधारित वेब सीरिज प्रेक्षकांच्या भेटीला येणार आहे.
