mouni roy disables instagram comments divorce disha patani trolling
पुढारी ऑनलाईन :
अभिनेत्री मौनी रॉय हिने तिच्या घटस्फोटाच्या चर्चांदरम्यान आणि ऑनलाइन ट्रोलिंगमुळे इन्स्टाग्रामवरील कमेंट्स बंद केले आहेत. सोशल मीडियावर तिच्या वैवाहिक आयुष्यात अडचणी असल्याच्या चर्चा जोर धरत असून, त्यात तिची जवळची मैत्रीण आणि अभिनेत्री दिशा पाटनी हिचे नावही ओढले जात आहे.
रिपोर्टनुसार, मौनी रॉयने गुरुवारी संध्याकाळी तिचा पती सूरज नांबियार याच्यापासून वेगळे होत असल्याची अधिकृत घोषणा केली. त्यानंतर सोशल मीडियावर तिला मोठ्या प्रमाणात ट्रोलिंग आणि द्वेषपूर्ण कमेंट्सचा सामना करावा लागला. त्यामुळे तिने आपल्या पोस्टवरील कमेंट सेक्शन बंद केले.
खरंतर, मौनी आणि सूरज यांनी इन्स्टाग्रामवर एकमेकांना अनफॉलो केल्यानंतर चाहत्यांना त्यांच्या नात्यात काहीतरी बिनसल्याचा संशय आला. त्यानंतर त्यांच्या नात्यात तणाव असल्याच्या अफवा पसरू लागल्या. हे प्रकरण अधिक चिघळले, जेव्हा काही सोशल मीडिया युजर्सनी दिशा पाटनीलाही या वादात ओढण्यास सुरुवात केली.
एका सोशल मीडिया पोस्टमध्ये लिहिले होते, “मौनी आणि सूरज यांच्यात भांडण लावून दिले.” अनेकांनी मौनीच्या जुन्या पोस्टवर जाऊन दिशाला घटस्फोटाच्या अफवांशी जोडण्यास सुरुवात केली. काही रिपोर्ट्समध्ये असेही म्हटले गेले की, दिशानेदेखील सूरज नांबियारला इन्स्टाग्रामवर अनफॉलो केले आहे.
मौनी आणि सूरज यांनी त्यांच्या संयुक्त निवेदनात म्हटले की, माध्यमांमधील काही घटक त्यांच्या खासगी आयुष्यात अनावश्यक हस्तक्षेप करत आहेत. त्यांनी सांगितले की, दोघांनी परस्पर सन्मान आणि समजुतीने वेगळे होण्याचा निर्णय घेतला आहे आणि सध्या ते आपले खासगी आयुष्य शांततेत सांभाळू इच्छितात.
त्यांनी पुढे असेही म्हटले की, त्यांच्या नात्याबाबत खोट्या कथा आणि अफवा पसरवल्या जात आहेत, ज्यांचा वास्तवाशी काहीही संबंध नाही. तसेच लोकांनी आणि माध्यमांनी त्यांच्या गोपनीयतेचा आदर करावा, अशी विनंती त्यांनी केली.
मौनीने आपल्या पोस्टच्या कॅप्शनमध्ये लोकांनी तिच्या आणि सूरजबद्दल खोट्या गोष्टी पसरवणे थांबवावे आणि या कठीण काळात त्यांना थोडी खासगी जागा द्यावी, असे म्हटले आहे.
विशेष म्हणजे, मौनी रॉय आणि दिशा पाटनी अनेक वर्षांपासून चांगल्या मैत्रिणी आहेत. दोघी अनेकदा एकत्र सुट्ट्या घालवताना, पार्ट्या आणि विविध कार्यक्रमांमध्ये दिसतात. सोशल मीडियावरही त्या नेहमी त्यांच्या मैत्रीचे फोटो आणि व्हिडिओ शेअर करत असतात.
