रमेश नारायण
ॲडव्हर्टायझिंग क्लबचा अध्यक्ष म्हणून माझा दोन वर्षांचा कार्यकाळ संपतच आला होता, तितक्यात फोन वाजला. अरुण नंदा यांचा तो गंभीर आवाज होता. ते म्हणाले, "मला ॲडव्हर्टायझिंग एजन्सीज असोसिएशन ऑफ इंडिया (AAAI) चा अध्यक्ष होण्यास सांगण्यात आले आहे. तुम्ही उपाध्यक्ष व्हावे अशी माझी मनापासून इच्छा आहे." अशा प्रकारे, माझी AAAI मध्ये नेतृत्वाच्या भूमिकेत अचानक एन्ट्री झाली.
त्याच्या पुढच्याच वर्षी मी AAAIचा अध्यक्ष झालो. माझ्या व्यवस्थापकीय समितीमध्ये अनिल कपूर (ULKA), राम सहगल (Contract), श्रीनिवासन स्वामी (RKSwamy), गौतम रक्षित Advertising Avenues), रंजन कपूर (Ogilvy) यांसारखी अत्यंत ज्येष्ठ आणि अनुभवी मंडळी होती. आमच्यासमोर आलेला पहिला महत्त्वाचा विषय म्हणजे IBF (आताची IBDF) सोबतचा करार. बराच खल झाल्यानंतर मला श्रीनिवासन स्वामी यांची भूमिका योग्य वाटली. त्यांनी स्पष्ट केले की, "आपण ब्रॉडकास्ट मीडियाचे केवळ 'एजंट' नसून, त्यांच्याशी आपले नाते भागीदारीचे असावे. थोडक्यात सांगायचे तर, या करारात त्यांचा मोलाचा वाटा होता. मला त्या ऐतिहासिक करारावर स्वाक्षरी करण्याचे भाग्य लाभले, आजही हा करार टिकून आहे.
मी हाती घेतलेली एक महत्त्वाची जबाबदारी म्हणजे सदस्य संस्थांची थकित येणी वसूल करण्यास मदत करणे. मला त्यावेळचे INS चे Regional प्रमुख प्रदीप गुहा आणि IBF चे अध्यक्ष कुणाल दासगुप्ता यांचा पूर्ण पाठिंबा मिळाल्यामुळे मी हे काम अचूकपणे पार पाडू शकलो. त्याच काळात AdAsia 2003 चे नियोजन सुरू होते आणि AAAI ने हा कार्यक्रम भव्य करण्यासाठी पूर्ण पाठिंबा दिला होता.
मला हे नमूद करायला हवे की, त्यावेळीही सामाजिक विषयांवरील जाहिरातींविषयी (cause-related advertising) मला विशेष ओढ होती. संवाद हे समाजहिताचे साधन असू शकते, हे दाखवून देण्याच्या माझ्या प्रयत्नात माझे मित्र गौतम रक्षित यांचा मला पूर्ण पाठिंबा होता.
सर्जनशील प्रतिभा विकसित करणे आणि तरुण व्यावसायिकांना घडवणे यासोबतच AAAI चे जाहिरात क्षेत्राला मिळालेले सर्वात मोठे योगदान म्हणजे 'गोवाफेस्ट' (GoaFest) ची सुरुवात.
आम्ही सुरू केलेला हा उपक्रम म्हणजे हवेची एक झुळूकच होती. याचे संपूर्ण श्रेय विद्यमान अध्यक्ष श्रीनिवासन स्वामी यांना जाते. त्यांनी याची केवळ संकल्पना मांडली नाही तर मधुकर कामत अध्यक्ष असताना त्याची अंमलबजावणीही केली.
माझी एक सुखद आठवण म्हणजे, मी वेनिसमध्ये एका बोटीतून प्रवास करत असताना मला तत्कालीन अध्यक्ष अरविंद शर्मा यांचा फोन आला. त्यांनी मला कळवले की, मला AAAI च्या प्रतिष्ठित 'लाइफटाईम अचिव्हमेंट अवॉर्ड'साठी नामांकित करण्यात आले आहे.
मला आनंद आहे की ही संस्था आजही तितकीच महत्त्वाची आहे. आता डिजिटल एजन्सी तसेच छोट्या संस्थांना सदस्यत्व देऊन ती अधिक सर्वसमावेशक बनत आहे. या नवीन सदस्यांना संस्थेशी जोडले गेल्याचा नक्कीच फायदा होईल.
मी AAAI ला पुढील वाटचालीस खूप खूप शुभेच्छा देतो.
