पावसाळ्याचे दिवस, श्रावण मास तोंडावर! बरीचशी खवय्ये मंडळी मोठमोठ्या हॉटेलात, खानावळी आणि मेसमध्ये वर्दी देत मटण-रश्श्यावर ताव मारायला जमली. हॉटेलचं नाव झुंड... मुंडेसाहेबांचा माणूस तपासणीसाठी झुंडमध्येे प्रवेशत..!
इसम : हुर्रे हो..! ऐ... बाबा आमचा नंबर कधी. तास झाला.
वेटर : साहेब, एक टेबल रिकामा होतोय. अजून दहाच मिनिट. मी बोलावतो.
इसम : अरे कॅप्टन, पोटात कावळे ओरडून गेले. किती वेळ हा.
वेटर : थोडा वेळ. तुम्ही असं करता का? एक कॉर्नर टेबल आहे; पण किचनजवळ असल्याने फोडणीच्या धुराचा त्रास होईल. बसता का तिथे?
इसम : (उठत) मग सांगशील ना. केले असते ॲडजस्ट.
वेटर : ओके. बसा तिकडे.
इसम : फुकट वेळ घालवला. काही हरकत नाही. घे ऑर्डर. एक चिकन विथ कॉक्रोच, मालवणी मच्छी विथ मक्खी आणि रोटी. बाकी नंतर ऑर्डर देतो. जा पटकन लावायला सांगा जेवण.
वेटर : ही कसली ऑर्डर (स्टाफला ओरडत) ऐ... कोपरा, टेबल लावा रे. (पुन्हा इसमाकडे) साहेब ऑर्डर देताय की मस्करी. नीट सांगा ना राव.
इसम : सांगतो. (टेबलापाशी जात, प्रचंड धूर आणि फोडणीचा ठसका, किचनमध्ये वाकून बघत, झुरळे, तांबेरा पडलेली पण वापरातली भांडी) हे काय अशाप्रकारे इथे जेवण बनवलं जातं?
वेटर : सर, जेवण पाहा, बाकी सगळीकडेच किचन असंच असतं हॉटेलात.
इसम : सावजी मटण खायला मुंडे येतील ना तेव्हा?
वेटर : कालच व्हिडीओ पाहिला. त्यांनी सावजी खायचं सोडले. आता काही ते फिरकणार नाहीत.
इसम : त्यांनी कोणाला तरी पाठवले तर?
वेटर : तसं होऊ शकतं. म्हणून तर कोपऱ्यातल्या टेबलाकडं आम्ही कुठल्याच गिऱ्हाईकाला जागा देत नाही. तुम्ही एकटेच दिसला त्यामुळे केली सोय टेबलाची.
इसम : मी मुंडेंचा माणूस आहे म्हटलं तर? शेर कभी झुंड मे नहीं आता. अकेला ही काफी है.
वेटर : मग कसे आलात. हॉटेलचं नाव झुंड आहे म्हणून म्हटलं. इसका मतलब आप शेर नहीं और मुंडे भी नहीं.
इसम : खामोश. ऑर्डर ऑर्डर. (मुंडेंची एन्ट्री)
मुंडे : आता सरळ कोर्टाची ऑर्डर. कुठे आहे रे ओनर?
(टांगा पलटी, घोडे फरार)
