जेन-झी १: ब्रो, कुचुपुचू कंगना मॅम आपल्याला गटर जनरेशन म्हणतेय.
जेन-झी २: मला तर वाटलं नवीन फिल्मचं प्रमोशनंच करताहेत.
मिलेनियल १: प्रत्येक वेळी कुणाला तरी नाव ठेवल्याशिवाय त्यांना चैन पडत नाही काय?
मिलेनियल २: आधी शेतकरी, अधे-मध्ये करण जोहर, मध्येच रा. गा. आणि आता जेन-झी.
जेन-झी १: प्रश्न विचारले म्हणून आम्ही 'गटर जनरेशन' झालो का?
मिलेनियल १: अरे, प्रश्न विचारणं काहीजणांना नेहमीच अस्वस्थ करतं. उत्तरं देता आली नाहीत की, अशी विशेषणं लावणं सोप्प असतंय...
जेन-झी १: विशेषणं? यू मीन ॲडजेक्टिव्ह नो? (सगळे हसतात)
मिलेनियल २: स्क्रिप्टनुसार संवाद बोलायची सवय आहे रे त्यांना. फक्त आता 'कट' म्हणायला दिग्दर्शक नसेल.
मिलेनियल १: सोशल मीडियातील ट्रोलिंग त्यांना माहितीय की! ते वाचले की कळते गटर नेमकं कुठे वाहतंय?
जेन झी २: डुड, आपण काय करायचं?
मिलेनियल २: अल्गोरिदमला तेच हवयं.
मिलेनियल १: अरे वादातूनच सेलिब्रिटी ट्रेंडिंगमध्ये राहतात.
मिलेनियल २: बरळण्यासाठीचा ऑस्कर फेकून मारला पाहिजे काही कलाकारांना...
मिलेनियल १: बायदवे, त्याही चर्चेत असायच्या की हृतिक, अध्ययन सोबत. बोल्ड भूमिकाही करायच्या. आता लेक्चर देतात...
मिलेनियल २: फॉलोअर्स वाढले की, जबाबदारी वाढायला हवी. विथ ग्रेट पॉवर कम्स ग्रेट रिस्पॉन्सिबिलिटी पीटर पार्कर, हाहाहा...
जेन-झी १: मला वाटतंय आम्ही कन्फ्यूज्ड जनरेशन आहोत.
मिलेनियल १: का?
जेन-झी १: कारण, आम्हाला कळत नाही, प्रश्न विचारायचे की आधी परवानगी घ्यायची?
मिलेनियल २: अरे, जेन झी जर गटर जनरेशन असेल, तर या पिढीला गटर बनवलं कुणी? गटर वरूनच वाहत आले असेल ना?
मिलेनियल १: बरं झालं नदी म्हणाली नाही... नाही तर प्रदूषणालाही तुम्हालाच जबाबदार धरले असते.
जेन-झी २ : आमची जनरेशन वाईट आहे?
मिलेनियल २ : अरे, प्रत्येक पिढीला पुढची पिढी वाईटच वाटते.
जेन-झी १: म्हणजे आम्ही गटर जनरेशन नाही?
मिलेनियल्स : नाही. तुम्ही नोटिफिकेशन जनरेशन आहात.
(स्मार्ट फोनवर नोटििफकेशन येते)
