पुढारी ऑनलाईन डेस्क
देशातील सुप्रसिद्ध एअरलाईन कंपनी विस्ताराने (Vistara) फ्लाइट तिकिटांवर मोठी ऑफर दिली आहे. वास्तविक, कंपनी काही दिवसांतच आपला 7 वा वर्धापन दिन साजरा करणार आहे. येत्या काही दिवसांत कंपनीच्या स्थापनेला 7 वर्षे पूर्ण होतील. आपल्या 7 व्या वर्धापन दिनानिमित्त, कंपनीने आपल्या प्रवाशांसाठी एक अतिशय उत्तम ऑफर आणली आहे, ज्या अंतर्गत फक्त ९७७ रुपयात विमान प्रवास हवाई प्रवास करता येईल.
कंपनीने देशांतर्गत आणि आंतरराष्ट्रीय नेटवर्कवर विशेष भाडे जाहीर केले आहे. देशांतर्गत विमान प्रवासाचे भाडे इकॉनॉमी क्लाससाठी ९७७ रुपयांपासून २६७७ रुपयांपर्यंत सुरू होते. प्रीमियम इकॉनॉमी आणि बिझनेस क्लाससाठी हे भाडे 9777 रुपये आहे. कंपनीने आंतरराष्ट्रीय उड्डाणांसाठी नवीन भाडेही जाहीर केले आहे.
विस्ताराची 7 वी अॅनिव्हर्सरी ऑफर या वर्षी 30 सप्टेंबरपर्यंत प्रवासासाठी आहे. एअरलाइन कंपनीने ट्विटमध्ये म्हटले आहे की आगामी 7 वा वर्धापन दिन साजरा करण्यासाठी विस्तारासोबत बुकिंग करताना विशेष भाड्याचा आनंद घ्या. #AirlineIndiaTrusts सह तुमच्या भविष्यातील प्रवासाची योजना करा.
जम्मू-श्रीनगर मार्गावरील भाडे 977 रुपये आहे. मुख्य मार्ग ज्यामध्ये प्रवासी ऑफरचा लाभ घेऊ शकतात ते बेंगळुरू-हैदराबाद (रु. 1781), दिल्ली- पाटणा (रु. 1977), बेंगळुरू- दिल्ली (रु. 3970), मुंबई- दिल्ली (रु. 2112) आणि दिल्ली- गुवाहाटी (रु. 2780).
विस्ताराच्या 7 व्या वर्धापन दिन ऑफर अंतर्गत 6 जानेवारीपासून बुकिंग सुरू झाले आहे, जे 7 जानेवारी रोजी रात्री 12 वाजेपर्यंत चालेल. ऑफरमध्ये तुम्ही ३० सप्टेंबरपर्यंत तिकीट बुक करू शकता. कृपया लक्षात घ्या की ब्लॅकआउट तारखेला बुकिंग ऑफर उपलब्ध होणार नाही.
विस्ताराच्या 7 व्या वर्धापन दिनाच्या ऑफरचा लाभ घेण्यासाठी तुम्ही कंपनीच्या www.airvistara.com या वेबसाइटवर तुमचे तिकीट बुक करू शकता. याशिवाय विस्ताराच्या मोबाइल अॅपवरूनही तुम्ही तिकीट बुक करू शकता. Air Vistara चे मोबाईल अॅप iOS आणि Android दोन्हीवर उपलब्ध आहे. इतकेच नाही तर तुम्ही विस्ताराच्या विमानतळ तिकीट कार्यालये (एटीओ), कॉल सेंटर्स, ऑनलाइन ट्रॅव्हल एजन्सी आणि इतर ट्रॅव्हल एजन्सीद्वारे देखील बुक करू शकता.
