पिंपरी: वल्लभनगर एसटी आगारातील शिवभोजन केंद्र व इतर गाळ्यांचे भाडे थकल्याने एस.टी. प्रशासनाने चार दिवसांपूर्वीच बंद केले आहेत. दरम्यान अन्न व औषध प्रशासनाचे (एफडीए) पथक या केंद्राची तपासणी करण्यासाठी आगारात दाखल झाले; मात्र त्यांना गाळ्यास टाळे असल्याचे दिसले. त्यामुळे पथकाला प्रत्यक्ष तपासणीअभावी परतावे लागले.
कॅन्टीन व खाद्यपदार्थ विक्री केद्रांची तपासणी मोहिमेंतर्गत एफडीएचे पथक काही दिवसांपूर्वी वल्लभनगर आगारात दाखल झाले. तेथील शिवभोजन केंद्राची तसेच इतर खाद्यपदार्थ विक्रेत्यांकडील पदार्थांची तपासणी करण्यात येणार होती; मात्र प्रत्यषात तेथील काही गाळ्यांना टाळे लावण्यात आले होते.
या संदर्भात आगारप्रमुखांकडे माहिती घेण्यात आली असता, संबंधित गाळेधारकाकडे भाडे थकीत असल्याने प्रशासनाने कारवाई करुन गाळे बंद केले आहे. गाळे आधीच बंद असल्याने एफडीएच्या पथकाला खाद्यपदार्थांची तपासणी किंवा नमुने घेता आले नाहीत. त्यामुळे पथकाला केवळ आगार प्रशासनाकडून माहिती घेऊन परतावे लागले.
कॅन्टीनची एफडीएकडून तपासणी : अन्न औषध प्रशासनाने (एफडीए) पथकाने संबंधित शिवभोजन केंद्र व स्नॅक्स सेंटरची पाहणी करण्याचा प्रयत्न केला, मात्र संबंधित गाळे गेल्या काही दिवसांपासून बंद आहेत. त्यामुळे खाद्यपदार्थ, स्वच्छता, साठवणूक, तसेच इतर बाबींची प्रत्यक्ष तापसणी करण्यास पथकाला संधी मिळाली नाही. तसेच राज्याभरातील एस.टी. आगारातील कॅन्टिनची पाहणी एफडीएकडून सुरु आहे. त्यातंर्गत पथकाकडून तपासणी करण्यात येणार आहे.
एफडीए आगारात तपासणीसाठी आले होते. परंतू सदर गाळ्याची भाडे थकबाकी असल्याने शिवभोजन केंद्राचा गाळा बंद करण्यात आला आहे. तसेच ३० तारीख शेवटचा दिवस होता. शेवटच्या दिवसापर्यंत पैसे न भरल्याने आस्थापना बंद करण्यासाठी तीनदा नोटीसा लावण्यात आल्या होत्या. त्यामुळे एफडीएला कोणत्याही प्रकारची तपासणी करण्यात आली नाही.
वैशाली कांबळे स्थानक प्रमुख
