पिंपरी: पिंपरी-चिंचवड महापालिकेच्या चिखली जलशुद्धीकरण केंद्राला वीजपुरवठा करणार्या महापारेषणच्या भोसरी आरएस उपकेंद्र येथे गुरुवार (दि.21) सकाळी 10 ते संध्याकाळी 6 या वेळेत तातडीचे दुरुस्तीचे काम केले जाणार आहे.
याकाळात वीजपुरवठा खंडित होणार असल्याने चिखली जलशुद्धीकरण केंद्रातून पाणीपुरवठा बंद राहणार आहे. त्यामुळे गुरुवारी शहरातील या केंद्राच्या अखत्यारित असणार्या बोर्हाडेवाडी, इंद्रायणीनगरातील सेक्टर क्रमांक 4, 6, 9, 11 व 12, शिवरस्ता, चक्रपाणी वसाहत, धावडेवस्ती, मोशी, चर्होली, डुडुळगाव, चोवीसावाडी व इतर परिसरातील पाणीपुरवठा बंद राहील. (Latest Pimpri News)
या भागात शुक्रवार (दि.22) सकाळचा पाणीपुरवठा अनियमित व कमी दाबाने होण्याची शक्यता आहे. तरी नागरिकांनी आवश्यक साठा करून पाण्याचा काटकसरीने वापर करावा, असे आवाहन पालिकेच्या पाणीपुरवठा विभागाने केले आहे.
