पिंपरी : निगडी येथील भक्ती-शक्ती समूह शिल्प चौकात मेट्रो मार्गिकेचे काम सुरू आहे. मेट्रोसाठी निगडी सेक्टर क्रमांक 23 येथील जलशुद्धीकरण केंद्रातून नेहरूनगरकडे जाणारी मुख्य जलवाहिनी पिंपरी-चिंचवड महापालिकेच्या पाणीपुरवठा विभागाकडून हलविण्यात येणार आहे. ते काम गुरुवारी (दि.30) करण्यात येणार आहे. त्यामुळे नेहरूनगर, संत तुकारामनगर, महेशनगर, गंगानगर, वल्लभनगर, कासारवाडी, फुगेवाडी तसेच, चिखली येथील हरगुडे वस्ती, पवार वस्ती, कुदळवाडी, जाधववाडी आदी भागातील संध्याकाळचा पाणीपुरवठा बंद राहणार आहे. दुसऱ्या दिवशी शुक्रवारी सकाळचा पाणीपुरवठा अनियमित व कमी दाबाने होणार आहे..(Latest Pimpri chinchwad News)
जलवाहिनी स्थलांतरित करण्याचे काम तांत्रिकदृष्ट्या महत्त्वाचे आहे. ते निर्धारित वेळेत पूर्ण करण्याचे नियोजन करण्यात आले आहे. नागरिकांनी पाण्याचा पुरेसा साठा करून ठेवावा. पाणी काटकसरीने वापरून महापालिकेस सहकार्य करावे, असे आवाहन महापालिकेच्या पाणीपुरवठा विभागाचे मुख्य अभियंता प्रमोद ओंभासे यांनी केले.
