पुढारी ऑनलाईन डेस्क : Kolkata Crime News | दैनंदिन योग करण्याचे शारीरिक आणि मानसिक फायदे आपल्या सगळ्यांनाच माहिती आहेत; परंतु नियमित योग करण्याच्या सरावाने १४ वर्षीय अल्पवयीन मुलाला याच माध्यमातून स्वत:चा जीव वाचवता आला. तब्बल १० दिवसानंतर ही धक्कादायक माहिती समोर आली आहे.
१९ फेब्रुवारी रोजी कोलकात्यातील टांग्रा येथे एकाच कुटुंबातील तीन सदस्य त्यांच्या घरात मृतावस्थेत आढळले होते. बुधवारी सकाळी (दोन भाऊ आणि त्यापैकी एकाचा मुलगा) कारमध्ये जखमी अवस्थेत आढळले. शहराच्या दक्षिणेकडील ईस्टर्न मेट्रोपॉलिटन बायपासवर त्यांची कार मेट्रोच्या खांबावर धडकली. या घटनेत तिघेही जण जखमी झाले. यानंतर त्यांना रूग्णालयात दाखल करण्यात आले. दरम्यान बाल हक्क समितीच्या सदस्यांनी एनआरएस रुग्णालयात अल्पवयीन मुलाला भेट दिली. अल्पवयीन मुलाने घडलेला भयंकर प्रकार सांगितले.
कोलकाता तिहेरी हत्याकांडातील अल्पवयीन मुलाने बाल हक्क संरक्षण आयोगाला दिलेल्या जबाबात दावा केला आहे. त्याने त्यांच्या काकापासून स्वत:चा जीव कसा वाचवला याचा घटनाक्रम आयोगाला सांगितला आहे. अल्पवयीन मुलाच्या काकाने त्याला मारण्याचा प्रयत्न केला तेव्हा, त्याने योग कौशल्याचा जोरावर स्वत:चा जीव कसा वाचवला, याची माहिती आयोगाला दिली आहे. काकाने उशीने तोंड दाबून मारण्याचा प्रयत्न केला. यावेळी त्याने योग कौशल्याचा उपयोग करत श्वास रोखून ठेवला.काका आणि वडील खोलीतून बाहेर पडेपर्यंत त्याने मृत्यू झाल्याचे भासवले.
चक्रवर्ती म्हणाल्या की, अल्पवयीन मुलाने त्यांना सांगितले की, त्याचे वडील प्रसून डे आणि काका प्रणय हे प्रचंड आर्थिक तणावाखाली होते. "घटनेच्या दोन दिवस आधी, अल्पवयीन मुलाने त्याच्या वडिलांना असे म्हणताना ऐकले की, 'आता कर्जदार आपला पाठलाग करतील. मृत्यूशिवाय दुसरा मार्ग नाही'. सर्वांचे जीवन संपविण्यासाठी झोपेच्या गोळ्या मिक्स केलेली डाळ खाण्याची योजना आखण्यात आली. यामध्ये दोन्ही भावांचा मृत्यू झाला. तर दररोज योग करत असल्याने औषधाचा आपल्यावर कोणताही परिणाम झाला नाही, असे अल्पवयीन मुलाने सांगितले. तसेच काकाने उशीने तोंड दाबून मारण्याचा प्रयत्न केला. यावेळी त्याने योग कौशल्याचा उपयोग करत श्वास रोखून ठेवला.काका आणि वडील खोलीतून बाहेर पडेपर्यंत त्याने मृत्यू झाल्याचे भासवले.
