जुनागड : विजयादशमीच्या दिवशी गुजरातमधील जुनागडमधील खोडियार माता मंदिरात एक अनोखी घटना घडली. यज्ञादरम्यान ऋषी आणि ब्राह्मण मंत्र म्हणत असताना अचानक तीन सिंह प्रकट झाले आणि यज्ञाजवळ बसले. आश्चर्याची गोष्ट म्हणजे सिंह यज्ञादरम्यान तिथेच राहिले आणि यज्ञ संपल्यानंतरच जंगलात परतले.
खोडियार माता मंदिरात गिरनार पर्वताच्या जंगलाजवळील पडरिया गावातील भोलेनाथ गोशाळेजवळ आहे. संत आणि ऋषी मंत्र म्हणत असताना अचानक तीन सिंह दिसले आणि यज्ञकुंडाजवळ बसले. यज्ञात सहभागी झालेल्या स्थानिकांसाठी आणि भाविकांसाठी हे दृश्य चमत्कारापेक्षा कमी नव्हते. सिंह शांतपणे बसले होते, जणू काही ते ऐकत होते. गिरनारचे विभागीय वन अधिकारी डॉ. अक्षय जोशी म्हणाले की, हा परिसर घनदाट जंगलांजवळ आहे, त्यामुळे सिंहांचे येणे सामान्य असू शकते. परंतु वन्यजीव आणि मानवी संस्कृती यांच्यातील इतका शांत आणि अद्भुत समन्वय पाहून सर्वांनाच आश्चर्य वाटले. स्थानिक लोकांचा असा विश्वास आहे की, ही घटना खोडियार मातेच्या शक्ती आणि आशीर्वादाचे प्रतीक आहे. सिंह सुमारे दोन तास तिथे बसले आणि यज्ञ संपताच ते पुन्हा जंगलाकडे निघून गेले. याचा व्हिडीओ सोशल मीडियावर व्हायरल होत आहे.
