UPSC Prelims Postponed 2025
UPSC सिव्हिल सेवा प्रारंभिक परीक्षा 2025 आता काही दिवसांवर येऊन ठेपली आहे. यंदा ही परीक्षा 25 मे 2025 रोजी घेण्यात येणार असल्याची घोषणा संघ लोक सेवा आयोगाने (UPSC) केली होती. लाखो विद्यार्थ्यांचे लक्ष या परीक्षेवर केंद्रित झाले असताना, जम्मू-कश्मीरच्या पहलगाममध्ये घडलेल्या दहशतवादी हल्ल्यानंतर भारत-पाकिस्तान दरम्यान निर्माण झालेल्या तणावामुळे परीक्षेच्या आयोजनावर प्रश्नचिन्ह निर्माण झाले आहे.
अलीकडेच जम्मू-कश्मीरमध्ये भारतीय जवानांवर झालेल्या भीषण हल्ल्यानंतर देशात संतापाचे वातावरण आहे. भारताने पाकिस्तानविरोधात कडक भूमिका घेतली असून सीमेवर युद्धसदृश स्थिती निर्माण झाली आहे. अशा संवेदनशील पार्श्वभूमीवर, मोठ्या प्रमाणावर आयोजित होणाऱ्या परीक्षांमध्ये सुरक्षा ही प्राथमिकता असते. त्यामुळे काही शासकीय परीक्षा पुढे ढकलण्याचा निर्णय देखील घेतला जाऊ शकतो.
सध्या UPSC ने परीक्षा पुढे ढकलण्याबाबत कोणतीही अधिकृत माहिती दिलेली नाही. परंतु परिस्थिती अधिक गंभीर झाल्यास, UPSC आपली अधिकृत सूचना त्यांच्या संकेतस्थळावर upsc.gov.in या ठिकाणी जाहीर करेल. त्यामुळे उमेदवारांनी अफवांवर विश्वास न ठेवता अधिकृत वेबसाईटवर लक्ष ठेवणे गरजेचे आहे.
जर परीक्षा नियोजित वेळेनुसार झाली, तर UPSC कडून 20 मे ते 22 मे 2025 या कालावधीत प्रवेशपत्र (Admit Card) जारी केले जाऊ शकते. ते डाउनलोड करण्यासाठी खालील स्टेप्स फॉलो करा:
upsc.gov.in या अधिकृत संकेतस्थळावर जा.
मुख्य पानावर “Admit Card” विभागावर क्लिक करा.
"UPSC CSE Prelims 2025 Admit Card" या लिंकवर क्लिक करा.
तुमचा रोल नंबर, जन्मतारीख किंवा पासवर्ड टाका.
Submit केल्यावर Admit Card स्क्रीनवर येईल. त्याची PDF डाउनलोड करून प्रिंट काढा.
UPSC ने नुकतेच एक अपडेट दिले आहे की, दिव्यांग (PwBD/PwD) उमेदवारांना लेखन सहाय्यक (Scribe) बदलण्याचा पर्याय दिला जात आहे. हे बदल 18 मे 2025 संध्याकाळी 4 वाजेपर्यंतच मान्य केले जातील. यासाठी उमेदवारांनी uscsp-upsc@nic.in या ईमेल आयडीवर आपली विनंती पाठवावी. यानंतर केलेल्या विनंतीचा विचार केला जाणार नाही.
सध्याची स्थिती अस्थिर असली तरीही, UPSC परीक्षा ही अत्यंत स्पर्धात्मक व वेळनिष्ठ प्रक्रिया आहे. त्यामुळे परीक्षेच्या तयारीला खंड पडू न देता नियमित अभ्यास सुरू ठेवावा.
UPSC द्वारे कोणतीही अधिकृत घोषणा झाल्याशिवाय अभ्यास बंद करू नका किंवा संभ्रमात राहू नका. कोणतीही नवीन माहिती फक्त अधिकृत वेबसाईटवरूनच मिळवावी.
