PM Kisan 20th Installment Rs. 6000 PM Modi Bihar Visit
नवी दिल्ली: देशभरातील कोट्यवधी शेतकऱ्यांसाठी दिलासादायक बातमी आहे. प्रधानमंत्री किसान सन्मान निधी योजनेचा (PM Kisan Samman Nidhi Yojana) 20 वा हप्ता लवकरच शेतकऱ्यांच्या बँक खात्यात जमा होणार आहे.
आतापर्यंत 19 हप्ते वितरित करण्यात आले असून, 20व्या हप्त्याची उत्सुकतेने वाट पाहणाऱ्या शेतकऱ्यांसाठी ही महत्त्वाची अपडेट आहे.
मिळालेल्या माहितीनुसार, 18 किंवा 19 जुलै 2025 रोजी ही रक्कम खात्यात जमा केली जाऊ शकते. मात्र, अधिकृत घोषणेसाठी अद्याप प्रतीक्षा आहे.
केवळ 2 दिवस उरलेत – लगेच करा हे अपडेट
पंतप्रधान मोदी 18 जुलै रोजी बिहारच्या मोतिहारी दौऱ्यावर असतील आणि अशी चर्चा आहे की तिथूनच ते 20 वा हप्ता वितरित करतील. त्यामुळे ज्या शेतकऱ्यांनी अद्याप e-KYC, बँक तपशील किंवा मोबाईल क्रमांक अपडेट केलेले नाहीत, त्यांनी त्वरित हे सर्व पूर्ण करावे.
PM किसान योजनेअंतर्गत, पात्र शेतकऱ्यांना वर्षाकाठी ₹6000 ची आर्थिक मदत दिली जाते. ती तीन समान हप्त्यांमध्ये दिली जाते:
एप्रिल- जुलै
ऑगस्ट - नोव्हेंबर
डिसेंबर - मार्च
19 वा हप्ता: 24 फेब्रुवारी 2025 रोजी पंतप्रधान नरेंद्र मोदी यांनी सुमारे 9.8 कोटी शेतकऱ्यांना 22000 कोटींची रक्कम वितरित केली होती.
20 व्या हप्त्याची रक्कम मिळवण्यासाठी पुढील गोष्टी तातडीने पूर्ण करा:
e-KYC पूर्ण करा
वेबसाइटवर OTP द्वारे किंवा जवळच्या CSC केंद्रावर बायोमेट्रिकद्वारे करता येते.
e-KYC केल्याशिवाय हप्ता जमा होणार नाही.
आधार बँक खात्याशी लिंक करा
खात्यातील IFSC कोड, खाते क्रमांक इ. माहिती योग्य आहे का ते तपासा.
यादीत नाव तपासण्यासाठी वेबसाईट: pmkisan.gov.in वर जावा. Beneficiary List मध्ये राज्य, जिल्हा, तालुका व गाव निवडून तपासा.
Farmer Registry अनिवार्य
केवळ PM किसानमध्ये नोंदणी असून चालणार नाही, आता Farmer Registry अनिवार्य आहे. राज्य पोर्टलवर किंवा CSC केंद्रावर अर्ज भरू शकता, किंवा ‘Farmer Registry App’ वापरा.
केवळ तेच लाभार्थी हप्ता मिळवतील ज्यांची माहिती वेळेवर अपडेट केली गेली आहे. त्यामुळे आजच सर्व कामे पूर्ण करा: eKYC, बँक तपशील चूक नसणे, Beneficiary List मध्ये नाव तपासणे, Farmer Registry इत्यादींमुळे तुम्हाला ना फक्त वेळेवर हप्ता मिळेल, तर पुढील हप्त्यांमध्येही कोणतीही अडचण येणार नाही.
स्टेटस कसा तपासायचा?
हप्ता जमा झाल्यावर pmkisan.gov.in वर ‘Beneficiary Status’ मध्ये जाऊन तुमचा हप्त्याचा स्टेटस तपासा. त्यामुळे तुम्हाला लगेच समजेल की तुमच्या खात्यात पैसे आलेत की नाही.
