Odisha PWD Engineer Bribery Case Vigilance Raid ₹2.1 Crore Cash Seizure
भुवनेश्वर : ओडिशा राज्याच्या अंगुल, भुवनेश्वर आणि पुरी जिल्ह्यांमध्ये एकाच वेळी छापे टाकत राज्याच्या दक्षता विभागानं (Odisha Vigilance Department) मोठ्या प्रमाणात काळ्या पैशाचा साठा उघडकीस आणला आहे.
सार्वजनिक बांधकाम विभागातील मुख्य अभियंता बैकुंठ नाथ सारंगी यांच्या विरोधात ही कारवाई करण्यात आली असून, त्यांच्या घरी आणि इतर ठिकाणी मिळून तब्बल 2.1 कोटी रुपयांची रोख रक्कम जप्त करण्यात आली आहे.
विशेष म्हणजे छाप्यादरम्यान अभियंत्याने 500 रुपयांच्या नोटांचे बंडल खिडकीतून फेकली. दरम्यान, ही कारवाई उत्पन्नापेक्षा अधिक संपत्ती प्रकरण (Disproportionate Assets Case) म्हणून नोंदवण्यात आली असून, या प्रकरणामुळे पुन्हा एकदा सरकारी अधिकाऱ्यांच्या भ्रष्टाचाराची प्रचंड चर्चा रंगली आहे.
ही कारवाई केवळ मोठ्या आर्थिक गुन्ह्यापुरती मर्यादित नसून, तिच्यात एक थरारक क्षणही घडला.
भुवनेश्वरमधील पीडीएन एक्झॉटिका सोसायटीतील फ्लॅट क्रमांक C-102 मध्ये जेव्हा दक्षता विभागाच्या अधिकाऱ्यांनी धाड टाकली, तेव्हा घाबरलेल्या सारंगी यांनी खिडकीतून 500 रुपयांच्या नोटांचे बंडल खाली फेकण्याचा प्रयत्न केला.
ही घटना प्रत्यक्ष साक्षीदारांच्या समोर घडली असून, सर्व नोटा अधिकाऱ्यांनी पंचनामा करून ताब्यात घेतल्या.
ठिकाण जप्त रक्कम
अंगुल येथील घर ₹1.1 कोटी
भुवनेश्वर फ्लॅट (C-102) ₹1 कोटी
इतर ठिकाणी (पुरी, शिक्षकपाडा, मटियासाही) तपास सुरू
या छापेमारीसाठी 8 डीएसपी, 12 निरीक्षक, 6 एएसआय आणि इतर अधिकारी-कर्मचाऱ्यांचे मोठे पथक तयार करण्यात आला होता. तलाशीची परवानगी विशेष सतर्कता न्यायालय, अंगुल यांनी दिली होती.
बैकुंठ नाथ सारंगी हे ओडिशा राज्याच्या सार्वजनिक बांधकाम विभागातील वरिष्ठ अभियंता असून, त्यांच्यावर ज्ञात स्त्रोतांद्वारे आयुष्यभराच्या अधिकृत उत्पन्नाहून अधिक संपत्ती जमवल्याचा (Disproportionate Assets – DA) आरोप आहे.
ही कारवाई झाल्यापासून, त्यांच्या संपत्तीबाबत आणि आर्थिक व्यवहारांबाबत सखोल चौकशी सुरू आहे.
सारंगी यांचं केवळ रोख संपत्तीचं प्रमाणच नाही, तर त्यांचे बँक व्यवहार, मालमत्ता कागदपत्रे, गुंतवणूक दस्तऐवज, सोनं-चांदी, इलेक्ट्रॉनिक डिव्हाइस यांची तपासणी सुरू आहे.
ही कारवाई केवळ एका अधिकाऱ्यावर नसल्यानं, इतर संबंधितांवरही कारवाई होण्याची शक्यता वर्तवली जात आहे.
