पुढारी ऑनलाईन डेस्‍क : कोलकाता येथील आरजी कार रुग्णालयातील प्रशिक्षणार्थी डॉक्टरवर बलात्कार आणि हत्या प्रकरणी सीबीआयचे वकील आणि तपास अधिकाऱ्यांच्‍या अनुपस्थितीवर सियालदह न्यायालयाने तीव्र नाराजी व्यक्त केली. आरोपी संजय रॉय याला जामीन द्यायचा का?, असा सवाल करत त्‍याला १४ दिवसांची न्यायालयीन कोठडीही सुनावली.
कोलकाता उच्च न्यायालयाच्या निर्देशानुसार या प्रकरणाचा तपास कोलकाता पोलिसांकडून सीबीआयकडे वर्ग करण्यात आला आहे. या प्रकरणातील मुख्य आरोपी संजय रॉयच्या जामीन अर्जावर शुक्रवारी (दि.६) सियालदह न्यायालयात सुनावणी झाली. रॉय याच्या वकिलांनी जामिनासाठी युक्तिवाद करण्यास सुरुवात केली. यावेळी सीबीआयचे तपास अधिकारी आणि सरकारी वकील दोघेही न्यायालयात उपस्थित नव्हते. यावर नाराजी व्यक्त करत न्यायाधीश पामेला गुप्ता यांनी सवाल केला की, संजय रॉय यालाजामीन द्यायचा का? सीबीआयची ही अत्यंत हलगर्जी वृत्ती आहे. हे अत्यंत दुर्दैवी आहे."
सुनावणीदरम्यान सीबीआयचे वकील ४० मिनिटे उशिरा आले. बचाव पक्षाच्या वकिलांनीही या विलंब येण्‍यावर आक्षेप घेतला. न्यायाधीशांनी सीबीआयवर नाराजी व्यक्त केली. संजय रॉय याला न्यायालयात आभासी (व्हर्च्युअल ) माध्यमातून न्यायालयात हजर करण्यात आले होते. सुनावणीवेळी तो रडू लागला. सीबीआयने त्‍याच्‍या जामिनाला विरोध केला. सुनावणीवेळी तो रडू लागला. सीबीआयने त्‍याच्‍या जामिनाला विरोध केला. अखेर बाजूंचा युक्तिवाद ऐकल्यानंतर न्यायाधीशांनी आरोपी संजय रॉय याला १४ दिवसांची न्यायालयीन कोठडी सुनावली.
