Government Employees Major Changes in Health Scheme Rules
केंद्र सरकारच्या कर्मचाऱ्यांसाठी आणि निवृत्ती वेतनधारकांसाठी एक अत्यंत महत्त्वपूर्ण आणि आनंदाची बातमी आहे. 'सेंट्रल गव्हर्नमेंट हेल्थ स्कीम' (CGHS) आणि 'एक्स-सर्विसमन कंट्रीब्यूटरी हेल्थ स्कीम' (ECHS) अंतर्गत आरोग्य सुविधा पुरवणाऱ्या रुग्णालयांसाठी केंद्र सरकारने 15 डिसेंबर 2025 पासून लागू होणारे नवे नियम जारी केले आहेत.
उत्तम आरोग्य सेवा
उपचारांच्या पॅकेज दरांमध्ये सुधारणा करण्यात आली आहे, ज्यामुळे लाभार्थींना आधुनिक आणि दर्जेदार उपचारांची उपलब्धता वाढणार आहे.
पॅनेलमध्ये राहण्यासाठी 'डिजिटल' व्हा
आता CGHS/ECHS च्या पॅनेलवर असलेल्या सर्व खासगी रुग्णालयांचे जुने करार 15 डिसेंबर रोजी संपुष्टात येतील. आरोग्य सेवा देणे सुरू ठेवण्यासाठी त्यांना डिजिटल पद्धतीने नव्याने अर्ज करणे आणि ९० दिवसांच्या आत सुधारित करारावर स्वाक्षरी करणे बंधनकारक आहे.
कॅशलेस सुविधांचा विस्तार
निवृत्ती वेतनधारकांसाठी कॅशलेस उपचारांची व्याप्ती वाढवली आहे. कार्डियाक (Cardiac) आणि ऑन्कोलॉजी (Oncology) सारख्या आजारांवरील उपचार प्रक्रिया आता कॅशलेस सुविधेखाली येणार आहेत.
प्रक्रिया होणार सुलभ
वाढीव दरांमुळे कॅशलेस आणि रिइम्बर्समेंट (Reimbursement) प्रक्रिया अधिक वेगवान आणि त्रासमुक्त होण्याची अपेक्षा आहे. सेवा नाकारणाऱ्या रुग्णालयांवर कठोर दंड लागू करण्यात आला आहे; वारंवार नियम मोडणाऱ्यांना दीर्घ कालावधीसाठी 'ब्लॅकलिस्ट' केले जाईल.
