पुढारी ऑनलाईन डेस्क : कॅनडामध्येस्थित गँगस्टर अर्श डल्लाच्या गँगमधील दोन शूटर्सना पंजाब पोलिस, स्टेट स्पेशल ऑपरेशन सेल आणि अँटी गँगस्टर टास्क फोर्सने केलेल्या संयुक्त कारवाईत अटक केली आहे. अनमोलप्रीत सिंग आणि नवज्योत सिंग असे अटक केलेल्या आरोपीचे नाव आहे. अटकेत असलेले दोन्ही शूटर फरीदकोटमधील गुरप्रीत सिंगच्या हत्येमध्येही सामील होते. त्यांनी ग्वाल्हेरमध्ये जसवंत सिंग गिलची हत्या केली होती.
कॅनडामध्ये बसलेल्या गँगस्टर अर्श डल्लाच्या सांगण्यावरून या दोन शूटर्सनी ग्वाल्हेरमध्ये जसवंत सिंग गिलचीही हत्या केली होती. पंजाब पोलिसांच्या डीजीपीने केलेल्या ट्विटमध्ये असे म्हटले आहे की, राज्य स्पेशल ऑपरेशन सेल (एसएसओसी), मोहालीने अँटी गँगस्टर टास्क फोर्स (एजीटीएफ) आणि फरीदकोट पोलिसांच्या संयुक्त कारवाईत दोन शूटर्सना अटक केली आहे. हे दोन्ही शूटर कॅनडास्थित गँगस्टर अर्श दलासाठी काम करतात. या दोघांनी फरीदकोटमध्ये गुरप्रीत सिंगची हत्या केली होती. आरोपींनी 7 नोव्हेंबर 2024 रोजी ग्वाल्हेरमध्ये अर्श डल्लाच्या सूचनेवरून ही घटना घडवली. ही घटना घडल्यानंतर दोघेही पंजाबला परतले, तेथे त्यांना खररजवळ पकडण्यात आले. त्याच्या अटकेने राज्यातील आणखी एक टार्गेट किलिंग टळली आहे.
या दोघांकडून दोन अत्याधुनिक शस्त्रे जप्त करण्यात आली आहेत. पंजाबमधील संघटित गुन्हेगारी नष्ट करण्यासाठी आणि सार्वजनिक सुरक्षा सुनिश्चित करण्यासाठी आम्ही कटिबद्ध आहोत आणि पुढील तपास करत आहोत, असे डीजीपीच्या वतीने सांगण्यात आले आहे.
गुरप्रीत सिंग हा शीख कार्यकर्ता होता, त्याची फरीदकोटमधील हरी नाऊ येथे दोन दुचाकीस्वार हल्लेखोरांनी हत्या केली होती. गुरप्रीत पंचायत निवडणुकीच्या प्रचारानंतर परतत असताना दुचाकीस्वार दोन हल्लेखोरांनी त्याच्यावर हवेत गोळीबार केला. त्याला चार गोळ्या लागल्या, त्यानंतर त्याला फरीदकोटच्या गुरु गोविंद सिंग मेडिकल कॉलेजमध्ये नेण्यात आले, जिथे गुरप्रीतला मृत घोषित करण्यात आले.
