नवी दिल्ली : पंतप्रधान मोदींनी बुधवारी प्रधानमंत्री किसान सन्मान निधी योजनेचा 21वा हप्ता जारी केला. त्यांनी तामिळनाडूच्या कोईम्बतूर येथून देशभरातील सुमारे 9 कोटींहून अधिक शेतकर्यांच्या खात्यात 18,000 कोटी रुपयांपेक्षा जास्त रक्कम हस्तांतरित केली.
यावेळी ते म्हणाले की, या योजनेतून देशातील लहान शेतकर्यांच्या खात्यात आतापर्यंत 4 लाख कोटी रुपये पाठवण्यात आले आहेत. शेतकर्यांना 10 लाख कोटी रुपयांची मदतही देण्यात आली आहे. त्यांनी नैसर्गिक शेतीला प्रोत्साहन देण्यावर भर दिला. मोदी म्हणाले की, नैसर्गिक शेतीमुळे आपली कृषी निर्यात दुप्पट झाली आहे.
ते म्हणाले की, एका वर्षापूर्वी सरकारने नैसर्गिक शेतकरी आणि नैसर्गिक शेतीची सुरुवात केली, ज्याच्याशी अनेक शेतकरी जोडले गेले आहेत. कर्नाटक आणि केरळमध्ये मल्टीलेअर फार्मिंग (बहुस्तरीय शेती) होत आहे. एकाच वेळी नारळ, मिरची आणि इतर पिके घेतली जात आहेत, असे मोदी यांनी यावेळी स्पष्ट केले.
